Mga kontrata “subject to review” ng bagong administrasyon -DND
- Published on July 16, 2022
- by @peoplesbalita
SUBJECT to review ng bagong administrasyon ang mga kontrata na pinasok ng nakalipas na liderato ng Department of National Defense (DND).
Bahagi ito ng “standard operating procedure” ng administrasyong Marcos.
Sa isang panayam, sinabi ni DND spokesperson Arsenio Andolong na ang nasabing hakbang ay “customary”.
“Pag-upo ng bagong SND (Secretary of National Defense) palaging binibigay sa kanya ‘yung mga outstanding, ‘yung mga ongoing projects para ire-review nya, ano naman ‘yun, he did not have to order it ano na ‘yan e, parang SOP (standard operating procedure). Na dito sa DND, pag-upo ng bago turnover sa kanya lahat maski ‘yung napirmahan na,” dagdag na pahayag nito.
Hulyo 1 nang umupo si Undersecretary Jose Faustino Jr. sa DND bilang officer-in-charge, pinalitan niya si Delfin Lorenzana.
Karamihan naman sa mga kontrata na sisilipin ay mula sa Second Horizon ng Armed Forces of the Philippines (AFP) Modernization Program.
“Hindi ko kabisado ngayon pero karamihan dito sa Second Horizon pero maski ‘yung napirmahan na ire-revirew pa yan ng bagong administrasyon para to make sure,” aniya pa rin.
Kabilang naman sa mga kontrata na rerebisahin ay Russian Mil Mi-17 heavy helicopters at iba pang proyekto na hindi pa naide-deliver.
Sa ngayon, wala pang kontrata ang kinansela, ayon kay Andolong.
“The rationale behind the review is the need for the new DND chief to know the budgetary and time considerations of these projects,” ani Andolong.
Ang gagawing pagsusuri ay magiging gabay ng bagong DND chief kung itutuloy o hindi ang proyekto base sa availability ng pondo. (Daris Jose)
-
Animam iba’t iba ang naramdaman
NAGSADYA na nitong Huwebes si Gilas Pilipinas women member Jack Danielle Animam sa Taiwan para maglarong basketbol bilang reinforcement. Nitong Miyerkoles ng gabi napasakamay ng 21-year-old, 6- foot-5 center ang kanyang Taiwanese visa para maging import sa Shih Hsin University na lumalahok sa Taiwan’s Univer- sity Basketball Association. “Mixed emotions — masaya, excited, […]
-
Pacquiao bumubuo na ng game plan kontra Ugas
Bumubuo na ng bagong game plan ang kampo ni People’s Champion Manny Pacquiao para sa laban nito kay WBA welterweight champion Yordenis Ugas. Nabago ang kalaban ni Pacquiao matapos matuklasang may eye injury si World Boxing Council at International Boxing Federation titlist Errol Spence Jr. sa prefight medical examination. Sumailalim agad […]
-
Presyo ng bigas sa world market apektado sa price cap ni Marcos
TAHASANG sinabi ni House Speaker Ferdinand Romualdez na bahagyang naapektuhan ang presyo ng bigas sa world market matapos pirmahan noong biyernes ni pangulong Marcos ang Executive Order 39 na nagtatakda sa presyo ng bigas sa bansa. Batay sa US-based company na Markets Insider, bumaba ng 21% ang presyo ng bigas sa pandaigdigang kalakalan […]