Mga leisure spots at tourist sites sa NCR Plus Bubble, pinababantayan
- Published on May 19, 2021
- by @peoplesbalita
Mahigpit ang direktiba ni PNP Chief Gen. Guillermo Eleazar sa lahat ng mga police commanders na bantayan ang mga leisure spots at tourist sites sa NCR Plus Bubble na kinabibilangan ng Metro Manila, probinsiya ng Cavite, Laguna, Rizal at Bulacan.
Magbubukas na kasi ang ilang tourist attractions at mga leisure spots kasunod ng pagbaba ng community quarantine status na ngayon ay nasa General Community Quarantine with heightened restrictions ang NCR Plus.
Sinabi ni Eleazar, inaasahan na kasi nila ang pagdami ng mga taong magsisilabasan.
Nitong weekend, nagsimula na ang mga tao magtungo sa mga outdoor tourist attractions kung saan pinapayagan ng mag operate at 30 percent capacity.
Kaya mahigpit na babantayan ng PNP ang mga nasabing lugar upang matiyak na nasusunod ang minimum health protocol.
” Inaasahan na namin ang pagdami ng mga taong magsisilabasan dahil nga nagkaroon ng adjustments sa allowed capacity rates ng ating business establishments at leisure areas. Ito ay amin nang pinaghandaan at mahigpit na babantayan,” wika ni Eleazar.
Binigyang linaw din ni Eleazar na hindi pa rin pinapayagan lumabas sa NCR Plus Bubble borders.
” We ask our kababayan within NCR Plus to restrict their travel within the Bubble. At para naman duon sa mga nasa labas ng Bubble, huwag na po nating pilitin na pumasok pa unless essential travel po ang inyong lakad,” paliwanag ni Eleazar.
Pinatututukan ni Eleazar sa mga pulis ang mga lumalabag sa minimum public health safety protocols at makipag-ugnayan sa mga local government units.
Ayon kay PNP chief, naiintindihan ng mga pulis na sabik ang ating mga kababayan na lumabas ng bahay, kung patuloy na lumabag sa IATF guidelines tiyak na tatagal pa tayo sa ganitong sitwasyon.
Panawagan ni Eleazar na huwag matigas ang ulo, sumunod sa health protocol.
Pina-alalahan din nito ang mga business establishmentsna sumunod sa IATF guidelines lalo na sa capacity rates at striktong ipatupad ang minimum health safety protocols. (Daris Jose)
-
Birthday party, nagmistulang concert sa rami nang kinanta: GLADYS, ‘di napigilang maluha nang maalala ang pumanaw na ama
BUKOD-TANGING ang actress na si Gladys Reyes lang talaga ang makakapag-pull-off ng party na tulad ng ginawa niya for her 45th birthday. Talagang na-entertain ang mga bisita niya dahil nagmistulang concert ang party niya. Mahigit 15 songs yata ang sunod-sunod na pinerform niya, aside pa sa mga kantang kasama niya ang bestfriend na […]
-
Maraming lugar sa bansa nasa signal No. 1 dahil bagong bagyo – Pagasa
Nakakaapekto ngayon sa malaking bahagi ng bansa ang nabuong tropical depression Lannie. Huli itong namataan sa layong 100 km sa silangan ng Surigao City, Surigao del Norte. Taglay nito ang lakas ng hangin na 45 kph at may pagbugsong 55 kph. Kumikilos ito nang pahilagang kanluran sa bilis na […]
-
Pagtatayo pa ng community pantry sa iba’t ibang lugar sa bansa, hindi pipigilan ng Malakanyang
WALANG balak ang Malakanyang na pigilan ang itatayo pang community pantry sa iba’t ibang bahagi ng bansa ngayong panahon ng pandemya. Sinabi ni Presidential Spokesperson Harry Roque na, ‘let a thousand community pantries bloom’ dahil ito aniya ay bayanihan. Sumasalalim aniya ito sa kagalingan ng mga Filipino sa pinakamasamang panahon. Nauna rito, […]