Mga Navoteñong nasunugan, nakatanggap ng tulong na tig-P10K mula kay Sen. Go at NHA
- Published on August 31, 2023
- by @peoplesbalita
NAKATANGGAP ng tulong pinansiyal na tig-P10,000 mula sa National Housing Authority (NHA) at kay Senador Bong Go ang nasa 1,328 pamilyang Navoteñong nasunugan sa isinagawang aktibidad sa Navotas Sports Complex, kamakailan.Bilang kinatawan ni NHA General Manager Joeben Tai, pinangunahan ni NCR North Sector Regional Manager Engr. Jovita G. Panopio ang pamamahagi ng tulong pinansiyal na aabot sa P13.28 milyon sa mga benepisyaryo, katuwang sina Sen. Go, Navotas City Mayor John Rey Tiangco, Cong. Toby Tiangco, Vice Mayor Tito Sanchez, at NHA MaNaVa District Manager Engr. Nora E. Aniban.
Mula sa Emergency Housing Assistance Program (EHAP) ng ahensya, ang mga benepisyaryo na mga residente ng Barangays North Bay Boulevard North, Bagong Bayan North, Tangos North, Tangos South, Navotas West, San Roque, Sipac Almacen, Bangkulasi, at Daanghari ay nakatanggap ng tig-P10,000 ayuda bawat pamilya. Sila ay mga biktima ng iba’t-ibang sunog mula noong Oktubre 2019 hanggang Mayo 2023.
Nagpahayag naman ng pasasalamat sina Mayor Tiangco at Cong. Tiangco sa NHA at kay Sen. Go sa ibinigay nilang tulong sa kanilang mga kababayan na naging biktima ng sunog dahil malaki anila itong tulong para makabili sila ng mga materyales sa pagpapagawa ng kanilang bahay.
Nagpasalamat din ang mga benepisyaryo sa Tiangco brothers sa pagbibigay ng credit para sa pagtanggap ng lahat ng uri ng tulong mula sa ibang mga ahensya.
Layunin ng NHA EHAP ang magpaabot ng pinansyal na tulong sa mga pamilyang naapektuhan ng mga kalamidad tulad ng sunog, pagbaha, lindol, bagyo at iba pa para muling makabangon mula sa trahedya at maibsan ang gastusin nila. (Richard Mesa)
Other News
-
Pasadong-pasado sa pagganap bilang Maria Clara: Pag-awit ni JULIE ANNE ng ‘Ave Maria’ habang nagpi-piano, nag-trending
NAGING madali ang pagka-cast kay Asia’s Limiless Star Julie Anne San Jose, bilang Maria Clara sa historical fictional fantasy portal ng GMA Network, ang “Maria Clara at Ibarra.” Dahil sa maganda niyang boses, husay sa pagtugtog ng musical intruments, pasadong-pasado nga siya sa role, bukod pa sa mahusay din siyang umarte. […]
-
Ads January 20, 2021
-
Samahan sa makabuluhang usapan sa ‘Heart-2-Heart’: ARNOLD, masaya na kasama na uli ang kanyang mentor na si DJ LAILA
LAST month lang pala lumipat si Arnold Rei dela Cruz na kilala ring DJ Poy sa Radyo5 TRUE FM na kung saan binigyan agad siya ng sariling radio program, ang ‘Heart-2-Heart’. Kaya masayang-masaya siya dahil kasama na niya uli sa istasyon ang isa sa itinuring na mentor na si DJ Laila Chikadora. […]