MMDA: Expanded number coding scheme hindi pa ipatutupad
- Published on March 9, 2022
- by @peoplesbalita
ANG Metropolitan Manila Development Authority (MMDA) ay hindi pa magpapatupad ng kanilang expanded number coding scheme kahit na ang National Capital Region (NCR) ay nasa Alert Level 1 na.
Ayon sa MMDA na kanilang naobserbahan at kanilang naitala na hindi pa rin gaanong madami ang mga sasakyan na dumadaan at gumagamit ng EDSA. Based sa kanilang datus, noong March 1 ang naitala ay 367,535 na sasakyan ang dumaan sa EDSA. Ang nasabing figure ay mababa kumpara sa 372,528 na sasakyan noong unang araw ng Alert Level 2.
“We will continue to monitor the daily vehicle volume count along EDSA to determine if there is a need to expand the number coding scheme. Traffic is concentrated during peak hours. The time stuck in traffic is just short. It eases immediately. This is why we are not seeing any reason to expand the number coding scheme,” wika ni MMDA chairman Romando Artes.
Ang traffic congestion sa EDSA ay nagaganap tuwing rush hours mula 7:00-9:00 ng umaga at mula 5:00 hanggang 8:00 ng gabi.
Sa ngayon, ang number coding scheme sa weekdays ay mula 5:00 hanggang 8:00 ng gabi lamang maliban kung holidays. Ang mga pribadong sasakyan lamang ang nasasakupan ng number coding scheme na ito.
Ang mga pampublikong sasakyan tulad ng buses at jeepneys ay nanatiling exempted sa nasabing number coding scheme. Habang ang mga trucks ay bawal pa rin na dumaan sa EDSA maliban kung may dalang essential goods.
Pinag-aaralan pa rin ng MMDA kung kanilang ibabalik ang number coding sa umaga habang rush hours.
Samantala, humingi ng tulong ang Land Transportation Franchising and Regulatory Board (LTFRB) sa Philippine National Police (PNP) sa pagpapatupad ng COVID-19 health protocols sa pampublikong transportasyon.
Dahil kulang ang manpower ng LTFRB, hiningi ng LTFRB na pumasok ang PNP upang masigurado na ang mga pasahero sa mga pampublikong transportasyon ay sumusunod sa mga minimum public health standards sa ilalim ng Alert Level 1 sa Metro Manila.
“We have already coordinated with the PNP because they are the bigger organization, to help us in enforcement,” wika ni LTFRB executive director Kristina Cassion.
Niliwanag ni Cassion na kahit na 100 percent ang kapasidad sa mga pampublikong transportasyon tulad ng bus, jeepney, tricycle, ride-hailing services at taxis ay hindi pa rin talaga pinapayagan ang buong kapasidad dahil kailangan pa rin na mag observe ang mga pasahero ng social distancing, pagsuot ng face masks at bawal ang pag-uusap sa loob ng sasakyan. LASACMAR
-
Baz Luhrmann Reveals That ‘Elvis’ Has A Four-Hour-Long Director’s Cut
BAZ Luhrmann says that a four-hour-long director’s cut exists for Elvis. Visionary Director Luhrmann, who has previously delivered flamboyant theatrical pieces like Romeo + Juliet (1996), Moulin Rouge! (2001), and The Great Gatsby (2013), helmed the upcoming musical biopic about the King of rock ‘n roll Elvis Presley off a script he wrote himself […]
-
Rizal Memorial pansamantlang isasara dahil sa isasagawang decontamination
Pansamantalang isasara ang Rizal Memorial Sports Complex ngayong sa loob ng isang araw para sa isasagawang decontamination. Sa isang panayam, sinabi ni ‘Hatid Tulong” initiative head Asec. Joseph Encabo, isasailalim sa lockdown simula alas-9:00 ng umaga ngayong Hulyo 30, 2020 ang buong complex. Ito ay matapos na mamalagi doon sa mga nakalipas na […]
-
Phil. Red Cross, ikinalungkot ang pagpalayas sa nurse na COVID positive sa rented room
Ikinalungkot ng Philippine Red Cross (PRC) ang pagtrato ng ilang mamamayan sa mga nagpositibo sa coronavirus. May kaugnayan ito sa naging pag-rescue nila ng isang nurse matapos na palayasin ng kanyang landlady matapos na magpositibo sa coronavirus. Sinabi ni Dra. Zenaida Beltejar, consultant ng Philippine Red Cross Welfare services, nakakalungkot na masaksihan niya […]