MRT 3 hindi ipagbibili; walang fare hike sa LRT2
- Published on November 12, 2022
- by @peoplesbalita
NILINAW ng Department of Transportation (DOTr) na hindi ipagbibili sa pribadong sektor ang Metro Rail Transit Line 3 at walang mangyayaring pagtataas ng pamasahe sa Light Rail Line 2.
Ito ang sinabi ni DOTr Secretary Jaime Bautista kamakailan lamang upang pasinungalinan ang balitang ibebenta sa pribadong sektor ang operasyon at asset ng MRT 3 dahil hindi na kaya ng pamahalaan ang gastos sa pag maintain dito na umaabot sa P9 billion kada taon.
“It is only considering the possibility of turning over the operations and maintenance of MRT 3 to qualified private sector operators towards improving its operational efficiency,” wika ni Bautista.
Patuloy pa rin ang pagbibigay ng subsidy mula sa pamahalaan para sa operasyon ng mga rail lines kung saan ang bahagi ng fares na para sa MRT 3, LRT 2 at LRT1 ay dito kinukuha upang manatili ang fare level na maging affordable sa mga pasahero.
“Railway systems should remain the most affordable and safest mode of mass transit in the country,” dagdag ni Bautista.
Ang pamasahe sa MRT 3 ay mula P13 hangang P28 at nagbibigay ng diskwento para sa mga senior citizens, estudyante at mga taong may kapansanan. Ang mga pasahero na gumagamit ng stored-value tickets ay mayroong mas mababang pamasahe kumpara sa single-journey tickets.
“We are looking at partnership with private rail operators for MRT’s operations and maintenance – under the same scheme with LRT 1- with the rail line’s assets remaining government-owned,” saad ni Bautista
Samantala, ang operator ng LRT 2 na Light Rail Transit Authority (LRTA) ay nagpahayag na wala pa silang nakikitang pagtataas ng pamasahe sa darating na mga panahon. “No fare increase yet. Not tomorrow, not next week, nor next month,” sabi ni LRTA administrator Hernando Cabrera.
Ayon kay Cabrera ang Light Rail Manila Corp. na siyang operator ng LRT 1 ay parating humihingi ng fare increase kada ikalawang taon simula noong 2016 kung saan ito ay nakapaloob sa nasabing concession agreement. Subalit ang petisyon ay hindi natutuloy.
Ang isang petisyon sa fare hike ay kinakailangan sumailalim sa madaming proseso tulad ng paghingi ng pagsangayon ng LRTA board, pagkakaroon ng public hearings, at kunsultasyon sa Land Transportation Franchising and Regulatory Board (LTFRB).
Noon pang taong 2015 nagkaroon ng huling pagtataas ng pamasahe sa LRT 2 kasama na rin ang pagtataas sa iba pang government-owned rail lines.
Ang train rides sa LRT 2 ay nagkakahalaga sa pagitan ng P15 hanggang P30 para sa single-journey tickets depende sa destinasyon habang ang stored-value tickets ay may range mula sa P12 hanggang P28. LASACMAR
-
10 lalawigan, ‘very high’ ang COVID-19 positivity rate
SAMPUNG lalawigan sa bansa ang nakapagtala ng higit sa 20% o ikinokonsiderang “very high” COVID-19 positivity rate sa loob ng isang linggo, habang naitala sa 14% ang Metro Manila. Tinukoy ni OCTA Research Group fellow Dr. Guido David ang mga lalawigan ng Cavite, Laguna, Rizal, Pampanga, Nueva Ecija, Tarlac, Aklan, Antique, Capiz, at […]
-
Pagpapasinaya sa Bicol International Airport, pinangunahan ni PDu30
Sa kanyang naging talumpati, sinabi ng Pangulo na masaya siya na naging bahagi at kasama sa inagurasyon ngayon ni Pangulong Rodrgo Roa Duterte ang pagpapasinaya sa Bicol International Airport sa Brgy. Alobo, Daraga, Albay. Ang pagkumpleto aniya ng world-class state ng gov’t infrastructure project ay nagbigay sa pamahalaan ng karangalan at kasiyahan dahil makapagbibigay […]
-
Sec. Roque, matapang na hinamon ng debate si VP Leni
MATAPANG na hinamon ni Presidential Spokesperson Harry Roque si Vice-President Leni Robredo ng isang debate. Ang dahilan ni Sec Roque, isa rin kasi sa maingay si VP Leni sa isyu ng West Philippine Sea (WPS). Sinabi kasi ni VP Leni na magkakaroon sana ng magandang diskurso sa publiko kung natuloy ang debate sa […]