MRT 4 groundbreaking sa first quarter ng darating na taon

UMAASA ang Department of Transportation (DOTr) na magkakaron ng groundbreaking ang Metro Rail Transit Line 4 (MRT4) sa loob ng darating na unang quarter ng taong 2025.

“The groundbreaking will be next year, we are just finalizing the project’s detailed engineering design and hopefully by the first quarter,” wika ni DOTr Secretary Jaime Bautista.

Sinabi ni Bautista na nakakuha ng pondo para sa proyektong MRT4 ang DOTr mula sa Asian Development Bank (ADB). “It has been arranged, the loan is approved,” dagdag ni Bautista.

Umaasa ang DOTr na sa darating na July ay mabibigyan ng $1.5 billion ang proyektong MRT 4 para sa pagtatayo ng nasabing inprastraktura.

Noong nakaraang May ay sinabi ng ADB na may plano sila na bigyan ng $1-billion na loan sa darating na taon ang MRT 4. Sinabi naman ng Beijing-based na Asian Infrastructure Investment Bank na humingi noong nakaraang taon ang pamahalaan ng Pilipinas ng loan na nagkakahalaga ng $537.4 million.

Ang MRT 4 ay babagtas mula sa Epifanio de los Santos Avenue (EDSA) -Ortigas Avenue junction hanggang Taytay sa Rizal na may habang 12.7 kilometers.

Kapag natapos na ang MRT 4, ito ay inaasahang makapagsasakay ng 400,000 na pasahero kada araw.

Ang MRT 4 ay isang elevated railway na may high-capacity at mass transit na magkakaron ng operasyon sa eastern na bahagi ng Metro Manila kasama ang mga populated na lugar sa probinsiya ng Rizal.

Magkakaron ito ng sampung (10) estasyon sa kahabaan ng 12.7 kilometers na rut anito at magkakaron rin ng dalawang (2) estasyon sa probinsiya ng Rizal.

Ang limang (5) estasyon sa Metro Manila ay ilalagay sa EDSA at Meralco sa Quezon City kasama ang estasyon sa Tiendesitas, Rosario, at St. Joseph sa Pasig City. Habang ang estasyon na itatayo sa Rizal ay ilalagay sa Cainta Junction, San Juan, Tikling Junction, Manila East Road, at Taytay.

Nagkaron na ng soil testing sa ibang lugar ng Ortigas Avenue bilang pre-construction activity para sa MRT 4. Ang IDOM na isang Spanish multinational ang gumawa ng consultancy work. LASACMAR