Muling pagbubukas ng ekonomiya, mahalaga – Malakanyang
- Published on January 30, 2021
- by @peoplesbalita
TINUKOY ng Malakanyang ang kahalagahan ng muling pagbubukas ng ekonomiya ng bansa matapos na makapagtala ang Pilipinas ng “worst” gross domestic product (GDP) contraction sa mahigit na 7 dekada.
Tiniyak ni Presidential spokesperson Harry Roque na ang economic reopening ay makatutulong na matugunan ang kagutuman.
“Nakikita natin na hindi pa po sapat ang pagbubukas para tayo’y bumalik sa normal para mapigil ang kagutuman sa Pilipinas. Pag hindi binuksan ang ekonomiya, marami talaga ang magugutom at maraming mamamatay kung hindi dahil sa COVID, dahil nga po sa kagutuman,” ayon kay Sec. Roque.
Sa ulat, lumiit ang GDP ng bansa ng 9.5% noong taong 2020 dahil sa pandemiya na dala ng COVID-19.
Ito aniya ang pinakamalalang paghina base sa available na government data simula 1947.
Gayunpaman, sinabi ni Sec. Roque, na ang fourth quarter ng 2020 (-8.3%) ay mas mabuti kumpara sa nagdaang quarters ng double-digit declines.
“Nagagalak po tayo na kahit papaano dahil sa pagbubukas ng ekonomiya ay unti-unti pong nag-iimprove ang ating ekonomiya,” anito.
Samantala, sinabi naman ni Acting Socioeconomic Planning Secretary Karl Kendrick Chua, na ang prospects para sa 2021 “encouraging.”
“With the continuous calibrated reopening of businesses and mass transportation and the relaxation of age group restrictions, we will see more economic activity in the months ahead,” anito.
“This will lead to a strong recovery before the end of the year when the government will have rolled out enough vaccines against COVID-19 for a majority of our people,” dagdag na pahayag ni Chua.
Inaasahan naman ng pamahalaan na lalago ang GDP mula sa 6.5% at magiging 7.5% ngayong 2021, at 8% hanggang 10% sa taong 2022. (Bishop Jesus “Jemba” M. Basco)
-
TNT sa bingit ng nawawalang playoffs sa unang pagkakataon sa loob ng apat na taon
Naghukay ang TNT ng mas malalim na butas sa nanginginig nitong kampanya sa PBA Commissioner’s Cup. Kasunod ng 140-108 kabiguan na dinanas nila sa mga kamay ng mga lider ng Bay Area Dragons, ang Tropang Giga ay nahaharap sa mabigat na gawain na kailangang manalo sa kanilang huling laro sa eliminations at umaasa na […]
-
LTFRB: TNVS tulad ng Grab binigyan ng 5,000 slots sa MM para sa holiday rush
NAGBUKAS ang Land Transportation Franchising and Regulatory Board (LTFRB) ng 5,000 karagdagang slots para sa ride-hailing services sa Metro Manila upang mabigyan ng sapat na serbisyo ang mga pasehero ngayon kapaskuhan. “These slots have been equally distributed among the different Transport Network Vehicle Service (TNVS) such as Grab operating in National Capital […]
-
3 KATAO HULI SA DROGA SA MAYNILA
SWAK sa kulungan ang tatlong indibidwal nang mahulihan ng marijuana at shabu sa ikinasang buy bust operation ng mga operatiba ng Manila Police District-Police Station 7 Biyernes ng madaling araw. Sa imbestigasyon ng pulisya, kinilala ang mga suspek na sina Rufino Casilit apyas Basi ,47; Loisa Casipit ,19, kapwa nakatira sa Prudencia St., […]