• December 19, 2024
  • Ang Diyaryong Pinagkakatiwalaan

Nadagdagan na naman ang list ng international celebrities: HEART, naka-rubbing elbow ang asawa ni JUSTIN na si HAILEY BIEBER

MAY nadagdag na naman sa listahan ng international celebrities na naka-rubbing elbows o nakilala nang personal ni Heart Evangelista.

 

 

Kung sa mga nakaraang global trips ni Heart ay nakilala na niya ang cast ng ‘Emily In Paris’ led by Lily Collins, ang mga Korean celebrities na sina Song Hye-kyo, Yugyeom ng GOT7, Ji Chang-wook, Jessica and Krystal Jung at ang sikat na fashion editor ng Vogue na si Anna Wintour, kamakailan ay nakadaupang-palad ni Heart sa Paris, France si Hailey Bieber, ang modelo na misis ng Canadian pop Superstar na si Justin Bieber at anak ng Hollywood actor na si Stephen Baldwin.

 

 

Nagtagpo ang dalawa sa YSL Spring/Summer 2024 sa Paris at nakuhanan ng litrato kung saan ang background nila ay ang pamosong Eiffel Tower na incidentally ay narating rin na ng inyong lingkod at ng entertainment editor ng People’s Balita na si Rohn Romulo.

 

 

***

 

 

SA katatapos lamang na pagpirma ng panibagong kontrata sa GMA at Sparkle, hindi kinaligtaan ni Sanya Lopez na pasalamatan ang taong unang-unang sumugal at nagtiwala sa kaya para maging artista, at ito ay walang iba kundi ang Master Showman na si German ‘Kuya Germs’ Moreno.

 

Nagsimula si Sanya noon bilang host ng Walang Tulugan (With The Master Showman).

 

“Umpisa pa lang, alam mo yun, Tay, lalo na nung mga nangangailangan kami.

 

“Wala e, wala kami, siya lang yung unang-unang tumutulong sa amin. Ilang beses pa lang ako sa kanya, siya ‘yung ang bilis niyang tumulong.

 

“Si Tatay yung suporta agad, kung ano ‘yung kailangan ng anak, ibibigay para sa ‘yo,” madamdaming pahayag ni Sanya.

 

“Tay, thank you. Thank you sa lahat ng binigay mo sa akin – tulong, pagkakataon. Dahil sa ‘yo kaya ako nandito ngayon, at wala nang makakabura noon sa akin.

 

“Hanggang sa dulo, matatandaan kong ikaw ‘yun, Tay.

 

“Kung nasaan ka man ngayon, Tay, maraming salamat. Sana patuloy mo kaming proteksyunan, protektahang magkakapatid sa ‘Walang Tulugan’ at sa lahat ng mga inaalagaan mo.

 

“Marami kang naging inspirasyon, at sana ako din, balang araw, maging maganda at malaking inspirasyon para sa lahat.

 

“I love you, Tay.”

 

Maging ang Kuya ni Sanya, ang hunk actor na si Jak Roberto ay natulungan rin ni Kuya Germs upang abutin nito ang pangarap na sumikat.

 

***

 

SI Arlene Cris Damot na kaya ang kauna-unahang Pilipina na makakapag-uwi ng korona bilang Mrs. Universe 2023?

 

Gaganapin ang coronation night ng 46th Mrs. Universe beauty pageant dito sa Pilipinas sa October 8 sa Newport Performing Arts Theater ng Newport World Resorts Manila sa Pasay City, ni minsan ay never pang nagwagi ang Pilipinas sa nabanggit na beauty pageant.

 

Natanong si Arlene kung ano ang kanyang advocacy…

 

“My advocacy is violence against women.

 

“I have an aesthetic clinic, actually…first and foremost, mostly in Royal Aesthetics 99% is women talaga yung nagtatrabaho, so I made sure na it’s a safe place for women, so we don’t tolerate any kind of harassment or violence.”

 

Si Arlene ang owner at CEO ng Royal Aesthetics Clinic.

 

“Five years na po, we have a clinic in Multinational Village in Paranaque, then in Bacoor, Cavite, SM Imus, SM North, SM Las Pinas and SM Baliuag, Bulacan, 6 branches po.”

 

May Professional Certificate in Advanced Aesthetics si Arlene mula sa prestihiyosong EIU sa Paris, France at isang Medical Aesthetics Certified ng International Academy of Aesthetics Sciences.

 

Aktibong member si Arlene ng Association of Dermatology & Aesthetic Nurses of the Philippines, isang true professional si Arlene sa Advance Aesthetics na certified ng European International University sa Paris at kasalukuyang tinatapos ang kanyang Doctor of Medicine degree.

 

Sino ang role model ni Arlene?

 

“My mother. Yung mother ko kasi is very hardworking, talagang the love and support na binigay niya sa akin, so she is my role model.”

 

(ROMMEL L. GONZALES)

Other News
  • MARCO, matagal ng fan at ‘di akalain na natupad agad ang dream na makatrabaho si SHARON

    HINDI pa rin makapaniwala si Marco na nakagawa siya ng pelikula with Sharon Cuneta at siya pa ang leading man ng Megastar.     Matagal na raw siyang fan ni Sharon at dream come true para sa kanya na makatrabaho ang singer-actress. Laking tuwa niya nang sabihin sa kanya ng Viva na makakasama niya sa […]

  • VP Sara Duterte, nilinaw na hindi biro ang pahayag niya na ‘designated survivor’ at hindi pagdalo sa SONA

    NILINAW  ni Vice President at dating Education Secretary Sara Duterte na hindi siya nagbibiro at hindi bomb threat ang sinabi niya na itatalaga niya ang kaniyang sarili bilang designated survivor. Inihayag ito ng bise presidente kasabay ng ginanap na Brigada Eskwela National Kickoff sa pangunguna ng SDO Cebu Province ng Region VII kanina. Ayon sa […]

  • Barangay on-site registration ikinasa ng More Power para sa discount sa kuryente

    SA HANGARIN na maabot ang mas maraming Pantawid Pamilyang Pilipino Program (4Ps) members at marginalized sector, nagdeploy ng kanilang personnel ang More Electric and Power Corporation (More Power) sa mga barangay para tumanggap ng aplikasyon para mabigyan ng diskwento sa singil sa kuryente o ang lifeline rate subsidy sa ilalim ng Epira Law.     […]