Nagpapasalamat sa mga Pinoy na tumulong sa kanila… HERLENE, bumalik ang sakit na alopecia dahil sa matinding stress sa nangyari sa Uganda
- Published on December 7, 2022
- by @peoplesbalita
MARAMING netizens ang natuwa nang ipakilala na ng ‘The Voice Kids Philippines’ Season One winner na si Lyca Gairanod ang kanyang boyfriend sa social media.
Kaka-turn 18 lang ni Lyca noong nakaraang November 21 at puwede na nga niyang ipakilala sa publiko ang kanyang boyfriend na si Kyle Walle na naging boyfriend niya noong March.
Sa pinost ni Lyca na photos sa kanyang Instagram, kasama niya si Kyle at HHWW (Holding Hands While Walking) sila. Nilagyan ito ni Lyca ng caption na “Spend time w u.”
Ilang sa mga netizens ang nag-senti dahil ang bilis ng panahon dahil ang dating 10-year old na anak ng mangingisda at nasanay sa buhay na nangongolekta ng bote, diyaryo at garapa para may makain ang pamilya niya sa pang-araw-araw ay dalagang-dalaga na at may boyfriend na.
Sa ibang IG posts pa ni Lyca, nilalantad na rin nito ang kanyang alindog sa mga kuha niyang naka-bikini siya sa beach. May ilang netizens na pinagbabawalan si Lyca na magpa-sexy, pero may iba naman na nagsasabing okey lang dahil nasa tamang edad na ito at may alindog namang ipagmamalaki ito na tiyak ay gusto ng kanyang boyfriend.
MATINDING stress ang naranasan ni Herlene “Hipon Girl” Budol dahil sa mga nangyaring sa kanya sa Uganda kunsaan dapat ginanap ang Miss Planet International pageant.
Dahil dito ay bumalik daw ang sakit niyang alopecia o ang pagkalagas ng kanyang buhok. Una raw niya itong naranasan noong sumali siya sa Binibining Pilipinas pageant.
“Nagka-alopecia po akong malaki… Masaya naman ako doon sa Binibini. Pero siyempre ‘yung pressure, ‘yung wala kang kaalam-alam, sobrang bobo mo roon sa ibang bagay,” sey ni Herlene.
Ayon pa kay Hipon Girl, lumala pa ang kanyang kondisyon sa pagpanaw ng kanyang lola, at sa bangungot na naranasan sa Miss Planet International 2022.
“Nagka-alopecia ako. Dati maliit lang ito kaya ngayon nagulat ako. Nadagdagan ‘yan ng Africa. Tapos ‘di ako matae. ‘Yon pala stress. Tapos hindi ako nakakatulog. Hindi ako nakakatulog nang walang iniinom na melatonin,” sey pa niya.
Kuwento niya na para raw silang mga pulubi sa Uganda na walang pagkain at walang matuluyan. Wala raw ginawa ang organizers ng pageant na pinabayaan na lang daw sila.
Nilapitan daw siya ng OFW at humilling na magpa-selfie sa kanya. Doon na raw kinapalan ni Hipon ang mukha niya at humingi siya ng saklolo rito.
“‘Di ba dinala kami sa mall, sabi sa akin ng OFW, ‘Uy, Hipon pa-picture.’ Buti nakilala po ako nun. Nung nakilala ako, talagang kinapalan ko ang mukha ko.
Dahil sa paghingi niya saklolo sa ating kababayan, nagbayanihan ang mga OFW para mabigyan ng tulong si Herlene habang nandoon siya sa Uganda.
Post ni Hipon sa Instagram: “Sobra pa sa korona yung maiuuwi ko para sa pilipinas. Dahil sa baon kong aral na natutunan. napatunayan kong Sa Oras ng pangangaylangan May pilipinong mag dadamayan kahit saang bansa panalo ang Pilipinas with or without crown I’m proud to a Filipina. Salamat sa Filipino community sa Uganda.”
-
Galit na galit dahil sa pang-iiwan daw kay Enrique: LlZA, winarningan ang netizen na nag-wish na may masamang mangyari sa kanilang pamilya
HINDI pinalampas ni Liza Soberano ang isang basher na kung saan nagwi-wish na may mangyaring masama sa kanya, pati na sa kanyang kapatid at ama. Nagbabala si Liza sa netizen na dapat ay maging careful ito sa sinasabi sa ibang tao. Sumagot nga si Liza sa isang fake account […]
-
Balik-serye na rin silang mag-asawa: Plano nina MIKAEL at MEGAN na magkaroon ng anak, on-hold pa rin
ILANG beses nang tumanggi na gumawa ng teleserye si Miss World 2013 Megan Young dahil hindi raw nito bet ang lock-in taping noong kasagsagan ng pandemya. Pero ngayon at maluwag na ang pagtrabaho sa set, tinanggap na ni Megan ang teleserye na ‘Royal Blood’ kunsaan magkasama sila ng mister na si Mikael Daez. […]
-
Panawagan ni PBBM sa Pag-IBIG, gawing mas ‘accessible’ ang ‘home loans’
NANAWAGAN si Pangulong Ferdinand Marcos Jr. sa Home Development Mutual Fund o Pag-IBIG Fund na gawing mas accessible sa mga Filipino ang kanilang home mortgage financing upang matugunan ang housing backlog sa bansa. Sa Pag-IBIG Fund Chairman’s Report for Year 2023 sa Pasay City, binati ng Pangulo ang Pag-IBIG Fund para sa record-high […]