Nakaranas nang matinding ‘himala’ mula sa Panginoon: AICELLE, dalawang Santos ang makakalaban sa pagka-Best Actress
- Published on December 21, 2024
- by @peoplesbalita
“ANG himala po sa buhay ko na lagi kong ikinukuwento sa mga kakilala o hindi ay mirakulo ng pagpapagaling ng Panginoon sa aking pamilya,” pagbabahagi ni Aicelle Santos na gumaganap na Elsa sa ‘Isang Himala’.
“Meron akong kapatid, 21 years old, isa na siyang cancer survivor. Siya po ay pinagaling ni Lord from Stage 2 lymphoma.
“Pero towards the six months ng chemotherapy, inatake naman sa puso yung 19-year-old brother ko.
“Ito po yung case ng myocarditis. Yung myocarditis, ito yung pinatitigil ng muscles ng heart mo na mag-pump.
“So, kung ang heartbeats natin per minute is 80 to 100, sa kanya naging 20 beats per minute.
“Ang sabi sa akin ng doktor, nanganganib na talaga siya. Ako noon, dinala ko siya sa ospital, kasama ng nanay ko, naka-paa lang.
“E nakita ko ang nanay ko, namumutla. E, high blood din ang nanay ko.
“Sabi ko, ‘Ma, diyan ka, kukuha ako ng gamot mo, kukuha ako ng tsinelas mo.”Pagbalik niya sa ospital ay umiiyak ang kanyang ina.
“Pagbalik ko sa emergency room, naiyak na ang mommy, sabi ko, ‘Bakit?’ ‘Pinapirma na ako ng waiver.’
“Sabi ko, hindi. Talagang noong panahon na iyon, yung confidence ko kay Lord, yun lang talaga ang kinapitan ko.
“Sabi ko, ‘Ma, ‘Mabubuhay si Aaron.’
“Aktibong Kristiyano ako and out loud. I prayed over him, sa puso niya.
“‘In the mighty name of Jesus, you are healed. In the mighty name of Jesus, ang kagalingan ng Panginoon, mula ulo hanggang paa, dumadaloy ang dugo ng Panginoon sa yo. Amen.’
“Right there and then, I witnessed a miracle, dumilat po ang kanyang mata.
“And then, ang mommy, tumigil sa pag-iyak.”
Mula sa CreaZion Studios at sa pakikipagtulungan sa Unitel, Straightshooter, Kapitol
Films at CMB Production, ang Isang Himala ay entry sa 50th Metro Manila Film Festival at mula sa direksyon ni Pepe Diokno at panulat ng National Artist for Film and Broadcast Arts na si Ricky Lee na siyang sumulat ng orihinal na pelikulang Himala na pinagbidahan naman ni Nora Aunor.
Pinagbibidahan ni Aicelle at ipapalabas sa mga sinehan mula sa araw ng Pasko, nasa pelikula rin sina Bituin Escalante, Kakki Teodoro, David Ezra at marami pang iba.
Matunog din na makakalaban niya sa pagka-Best Actress ang dalawa pang Santos na sina Vilma Santos-Recto (‘Uninvited’) at Judy Ann Santos-Agoncillo (‘Espantaho’) na alam nating parehong award-winning actress.
Magkaroon kaya ng ‘himala’ sa Gabi ng Parangal sa December 27?
(ROMMEL L. GONZALES)
-
Modified coding scheme nakatulong sa pagluluwag ng trapiko
Nakatulong sa pagluluwag ng trapiko sa mga pangunahing lansangan sa Metro Manila ang muling pagpapatupad ng modified number coding scheme sa National Capital Region (NCR) Nabawasan ang trapiko sa kalakhang Manila ng muling ilungsad ang number coding scheme sa rush hours mula 5:00 ng umaga hanggang 8:00 ng gabi. […]
-
DA, tinitingnan ang pagbubukas ng Kadiwa sites sa Pepito-hit areas
TINITINGNAN ng Department of Agriculture (DA) ang pagbubukas ng Kadiwa sites sa mga lugar na matinding naapektuhan ng Super Typhoon Pepito (international name: Man-yi) upang maging mas accessible ang mas maraming affordable agricultural commodities. Sinabi ni DA Assistant Secretary Arnel de Mesa na makikipagtulungan sila sa regional at local officials. “Doon sa mga […]
-
Biggest break ang pagkakasama sa cast ng ‘Start-Up PH’: JERIC, malaking hamon na makatrabaho sina ALDEN at BEA
BIGGEST break ng Sparkle Hunk na si Jeric Gonzales ang pagganap niya bilang Davidson Navarro o Dave sa adaptation ng hit Korean drama series na Start-Up PH. Malaking hamon daw kay Jeric ang makatrabaho sa serye sina Alden Richards, Bea Alonzo, Yasmien Kurdi at ang iba pang cast members na may kanya-kanyang galing […]