National athletes komportable sa ‘Calambubble’
- Published on February 1, 2021
- by @peoplesbalita
Komportable at walang anumang problema ang mga national teams ng boxing, taekwondo at karatedo sa loob ng ‘bubble’ sa Inspire Sports Academy sa Calamba, Laguna.
Dalawang linggo matapos pumasok sa ‘bubble’ training ay nasasanay na ang mga national boxers, taekwondo jins at karatekas sa kanilang bagong kapaligiran.
“It’s great here po,” ani national karatedo team member Jamie Lim.
Nagsasanay ang nasabing tatlong national squads para sa mga lalahukang qualifying tournaments ng 2021 Olympic Games na gagawin sa Tokyo, Japan sa Hulyo 23 hanggang Agosto 8.
Kasama ni Lim, ang 2019 Southeast Asian Games gold medalist, sa ‘Calambubble’ sina national karatekas Alwyn Batican, Ivan Agustin at Sharief Afif.
Nakatakdang sumabak ang national karatedo team sa Olympic qualifying tournament sa Paris, France sa Hunyo 11-13.
Kagaya ng mga karatekas ay wala ring reklamo ang mga national boxers at taekwondo jins sa kanilang ‘bubble’ training.
Tanging sina pole vaulter Ernest John Obiena, gymnast Carlos Edriel Yulo at boxers Eumir Felix Marcial at Irish Magno pa lamang ang mayroong Olympic berth.
-
Ads March 29, 2021
-
Pinoy skier Asa Miller patuloy ang ensayo sa Beijing habang wala pang laban
SINASAMANTALA ni Filipino skiier Asa Miller ang pagsasagawa ng ensayo habang hindi pa nagsisimula ang mga laro kung saan ito lalahok sa 2022 Winter Olympics sa Beijing China. Nakatapos na ito ng isang full routine training nitong Linggo ang kaniyang ika-limang ensayo mula ng dumating sa Yanquing, China noong nakaraang linggo. […]
-
Isang daang libong sasakyan , maaaring mabigyan ng prangkisa ayon sa LTFRB
PLANO ngayon ng Land Transportation Franchising and Regulatory board na dagdagan pa ang mga Transport Network Vehicles Services na mabibigyan ng prangkisa. Sa ilalim ng planong ito ay papayagan ng LTFRB na makakuha ng prangkisa ang 100,000 na sasakyan upang matugunan ang pangangailangan ng libo-libong pasahero sa Metro Manila. Ayon kay […]