NAVOTAS NAGDAGDAG NG SKILLED WORKERS

MULING nagdagdag ng bagong batch ng skilled workers ang Navotas City kasunod ng virtual graduation ng 138 Navoteños mula sa Navotas Training and Assessment (NAVOTAAS) Institute.

Sa NAVOTAAS Institute Annex 1, 46 ang nakakumpleto ng Japanese Language at Culture habang 11 nakatapos ng Basic Korean Language at Culture.

May lima ding nakapagtapos sa Beauty Care NC II; 4, Hairdressing NC II; 10, Dressmaking NC II; 7, Tailoring NC II; at 12, Bread and Pastry Production NC II.

Samantala, sa NAVOTAAS Institute Annex 2, 15 trainees ang nakakumpleto at nakatanggap ng national certification (NC) II para sa Housekeeping, at 28 nakapagtapos ng Basic Visual Graphics and Design.

Binati ni Mayor Toby Tiangco ang nasipagtapos at pinuri sila dahil sa paggamit ng kanilang oras sa pagsasanay at makakuha ng bagong kasanayan.

Aniya, maaaring magsimula ang mga nagsipagtapos ng negosyo o dalawin ang  NavotaAs Hanapbuhay Center para sa hanapbuhay na puwede na nilang pasukan.

Habang sinabi naman ni Cong. John Rey Tiangco, na ang lungsod ay nagtatag ng training centers upang bigyan ng pagkakataon ang mga Navoteño na matuto ng mga bagong pamamaraan at iba’t-ibang uri ng skills na makatutulong sa kanilang paghahanapbuhay at pamumuhay.

Ang Navotas ay may apat na training centers na bukas para sa mga Navoteño at hindi Navoteño trainees habang ang mga residente ay maaaring mag-aral ng libre sa nabanggit na training institute at ang mga hindi naman residente ng lungsod ay sasailalim sa assessment exams ng librehttp://peoplesbalita.com/wp-content/uploads/2020/10/navotas_seal.png depende sa kursong kukunin nito. (Richard Mesa)