NAVOTEÑOS HINIKAYAT NA MAGPABAKUNA
- Published on August 31, 2021
- by @peoplesbalita
NANAWAGAN si Mayor Toby Tiangco at Congressman John Rey Tiangco sa kanilang kababayan Navoteños na huwag palampasin ang pagkakataon magpabakuna ng Moderna at Pfizers vaccines na mayroon ang Pamahalaang Lungsod ngayon.
Ito’y matapos makarating sa kanila na sa 3,000 slots ng Moderna vaccine na nakalaan ay 948 lamang ang dumating para magpabakuna.
Labis silang nanghinayang dahil ang Moderna at Pfizer vaccines anila ang dalawa sa pinakamabisang bakuna sa Covid-19 variant na Delta na lubhang nakakahawa.
Ayon kay Mayor Tiangco, kapag hindi mauubos ang mga inilaan na Moderna vaccine sa pamahalang lungsod hanggang August 31, 2021, babawiin ito at mapupunta sa ibang Local Government Unit (LGU) na may mas mahigit na pangangailangan.
“Napakataas na po ng mga kaso natin at sa buong Pilipinas at ayon sa mga dalubhasa, tataas pa po ito. Kapag po kayo’y hindi bakunado, mas mataas ang tyansa na tamaan kayo ng Covid-19 ng malubha at ma-ospital o mamatay dahil dito. Kung hindi po kayo bakunado, hindi lamang po kayo ang nasa higit na peligro kundi pati na rin ang mga minamahal sa buhay at ang mga malalapit sa inyo,” ani Cong. Tiangco.
Ani Cong. JRT, maaaring mag-walk in ang lahat ng mga senior citizen, buntis, o PWD at uunahin silang asikasuhin sa lahat ng vaccination sites.
Bumisita lang sa pahina ni Mayor Tiangco at sa Navoteño Ako – Navotas City Public Information Office para sa mga karagdagang impormasyon at mga anunsyo. (Richard Mesa)
-
BI, nakatakdang ipatupad ang dati pang deportation order kapag nakalaya na si Pemberton
Nakasalalay na umano sa kampo ni US Marine Lance Corporal Joseph Scott Pemberton kung aapela pa ito sa deportation order ng Bureau of Immigration (BI) kapag ito ay napalaya na. Ayon kay Justice Sec. Menardo Guevarra kung sakaling hindi na aapela si Pemberton ay bahala na ang BI na ipatupad ang deportation order laban […]
-
Pdu30, nakipagkita kay Cayetano matapos na mag-alok ito na magbitiw bilang House Speaker
NAKIPAGKITA at nakipagpulong si Pangulong Rodrigo Roa Duterte kay Taguig-Pateros Rep. Alan Peter Cayetano , araw ng Miyerkules, ilang oras matapos mag-alok ang huli na magbitiw sa kanyang pwesto bilang House Speaker. Ayon kay Presidential spokesperson Harry Roque, kasama sa meeting ng Pangulo ang asawa ni Cayetano na si Lani at ang kapatid nitong […]
-
Matapos dumating ang halos 1-M doses pa na Pfizer sa PH
Nakatanggap muli ang bansa ng nasa halos isang milyong doses ng COVID-19 vaccines mula sa kompanyang Pfizer. Pasado alas-8:00 kagabi ng dumating sa Ninoy Aquino International Airport Terminal 3 ang 976,950 doses ng Pfizer COVID-19 vaccines. Aabot na sa mahigit 100-million na COVID-19 vaccine ang kabuuang natanggap na ng gobyerno. […]