NCR hospitals nasa ‘danger zone’ na
- Published on July 16, 2020
- by @peoplesbalita
Inamin ng Department of Health (DOH) na nasa 70-percent na ng isolation at ward beds para sa COVID-19 patients ng mga ospital sa National Capital Region (NCR) ang okupado na ng confirmed cases.
Ayon kay Health Usec. Maria Rosario Vergeire, 73.7-percent ng isolation beds sa Metro Manila ang may COVID-19 patients na naka-admit. Sa ward beds namang nakalaan sa nasabing mga pasyente, 77.4-percent ang okupado.
“This means that the health system is not yet overwhelmed ngunit isa itong trigger point upang mag-signal na kailangan may karampatang kilos na upang makapaghanda tayo kung tumataas man ang demand,” ani Vergeire.
Ang higit sa 70-percent na utilization rate ay katumbas na raw ng level na “danger zone.”
“‘Safe zone’ kung nasa 0 to 30 percent pa lang ng COVID-19-dedicated facilities ang nagagamit. ‘Warning zone’ naman kung nasa 30-70 percent na ang nagagamit at ‘danger zone’ kung 70 to 100 percent na ang nagagamit,” dagdag na paliwanag ng opisyal.
Sa ngayon may 61-percent na ring utilization rate sa ICU beds at 36.3-percent sa mechanical ventilators ng COVID-19 allocated facilities ng rehiyon.
Mula sa 107,508 beds ng 1,312 hospitals sa bansa, 14-percent o 14,945 daw ang nakalaan para sa COVID-19 patients.
Binubuo ito ng 20-percent mula sa public hospitals, at 9-percent galing naman sa private hospitals.
Kahapon, pumalo na sa 57,545 ang kabuuang bilang ng confirmed cases sa Pilipinas at lalo pa itong tumataas bawat araw. (Daris Jose)
-
PBBM tiniyak may sapat na suplay ng bigas sa kabila ng nararanasang El Niño
TINIYAK ni Pang. Ferdinand Marcos Jr na mayroong sapat na suplay ng bigas ang bansa sa kabila ng nararanasang El Nino o tagtuyot. Sinabi ng Pangulo na walang dapat i-pangamba ang publiko na kapusin ang suplay ng bigas at mga pagkain. Sa ambush interview sa Occidental Mindoro, sinabi ni Pang. Marcos […]
-
Shabu, cash nasabat sa mga preso sa women’s correctional
ILANG sachet ng hinihinalang shabu at malaking halaga ng cash ang nakumpiska ng mga awtoridad sa mga nakapiit sa Correctional Institution for Women sa Mandaluyong City kahapon (Miyerkoles). Sa isinagawang “Oplan Galugad” ng mga tauhan ng Bureau of Corrections (BuCor) at Bureau of Jail Management and Penology sa pasilidad, nakuhanan ang ilang preso ng […]
-
Mambabatas, itinutulak ang unemployment insurance kaysa ayuda
IPINANUKALA ngayon ni Albay Representative Joey Salceda ang pagkakaroon ng mga manggagawa ng unemployment insurance. Ito ay imbes na mamamahagi ang pamahalaan ng ayuda para sa mga Pilipinong nawalan ng trabaho sa bansa. Punto ng ekonomistang mambabatas na ang pagtaas ng unemployment rate sa 6 percent na naitala sa buwan ng […]