NFA chief, 138 pa sinuspinde sa bagsak presyong bigas
- Published on March 6, 2024
- by @peoplesbalita
PINATAWAN ng Office of the Ombudsman ng anim na buwang preventive suspension ang nasa 139 opisyal ng National Food Administration dahil sa bentahan ng rice buffer stocks.
Kasama sa mga suspendido sina NFA Administrator Roderico Bioco, Asst. Admin John Robert Hermano at iba pang regional managers at warehouse supervisors.
Dahil dito sinabi ni Agriculture Secretary Francscio Tiu Laurel na pansamantala niyang pangangasiwaan ang NFA at tatayong officer in charge sa ahensya habang umiiral ang suspension order at gumugulong ang imbestigasyon kung saan kasama sa target na silipin ang mga transaksyon mula noong 2019.
Nabatid na nag-ugat sa imbestigasyon sa umano’y pagbebenta ng NFA ng libu-libong tonelada ng bigas na buffer stock sa ilang traders sa paluging presyo.
Hindi naman kasama sa suspension order ang accuser na si Assistant Administrator for Marketing Operations Lemuel Pagayunan.
Giit din ng kalihim, hindi niya palalampasin ang anumang uri ng korapsyon sa ahensya. Layon nilang maisiwalat ang katotohanan at mapanagot ang mga nasa likod ng iregularidad.
Una nang sinabi ni Laurel na bumuo siya ng panel na nagsagawa ng imbestigasyon hinggil sa bentahan ng bigas sa halagang P25 kada kilo at P23 kada kilo naman ng palay nang hindi dumaan sa bidding. (Daris Jose)
-
MV ng ‘Cherry on Top’, higit 8 million views na: BINI, nag-trending na naman dahil sa pagbatikos sa kanilang outfit
NAG-TRENDING nga ang sikat na Pinoy girl group na BINI dahil sa pagbatikos ng ilang netizens. Isang video ang nag-viral na ipinost sa isang P-pop group kung saan makikita ang members ng BINI na naka-cap, shades, at face masks, na napaliligiran ng kanilang security escorts nang dumating sa Mactan-Cebu International Airport. May mga […]
-
SHARON, posible na isa sa surprise guest star para sa 6th anniversary ng ‘FPJ’s Ang Probinsyano’, LORNA at ROSANNA, nagkabati na dahil sa serye
EXCITED ang mga fans ni Megastar Sharon Cuneta sa chika na baka isa ang megastar sa surprise guest star for the 6th anniversary ng long-running action-serye na FPJ’s Ang Probinsyano. Kalat na kalat sa social media ang chika na may isang big star na lalabas sa FPJAP at ang hula ng mga fans ni […]
-
10 kilo ng marijuana huli ng PDEA sa terminal ng bus sa Kyusi
ARESTADO ang isang lalaki matapos na kunin nito ang pinadalang sa kanya na package sa isang terminal ng bus sa Cubao Q.C. Kinilala ng Philippine Drug Enforcement Agency (PDEA) ang naaretsong lalake na si Karlo Jose Pio Ricafrente tubong Albay pero naninirahan ngayon sa Maynila. Ayon sa PDEA matagal na nila isinailalaim sa surveillane […]