Ngayong balik-taping na si Dingdong: MARIAN, tuloy na rin at kailangang ipaliliwanag kina ZIA at SIXTO

SEXY preggy ang sabi ng mga viewers ng “Fast Talk with Boy Abunda” kay Kris Bernal.  

Five months preggy na nga ang actress pero hindi pa masyadong halata ang kanyang tummy.

Natanong muna ni Boy si Kris sa pagsisimula niyang mag-artista, na love team lang ba sila ni Aljur Abrenica, dahil sila ang winners ng “StarStruck” noon, na 17 years old pa lamang siya.

Hindi ba siya niligawan nito?  Hindi raw, nagparamdam lang nang konti, pero hindi raw nag-work as real, hanggang loveteam lamang, hindi raw kasi siya interesado at may times daw na hindi sila nagkakasundo ng actor.

Lumpiang toge raw ang pinaglihihan noon ni Kris sa kanyang coming baby.

Ngayon na magkaka-baby na sila ng husband niyang si Chef Perry Choi, nabago na raw ang pananaw niya sa buhay.

Ngayon ay mas concern siya sa future ng bata, wala na siyang luho, gusto niyang matutunang lahat ang pag-aalaga sa baby nila.

Dalawang baby daw lamang ang gusto niya at kapag kaya na niya, muli siyang babalik sa pag-arte.  When asked kung magkakaroon sila ng gender reveal, “yes, next month sa 6^th month ng baby.”

***

NGAYONG balik-taping na ng teleserye si Kapuso Primetime King Dingdong Dantes, via “Royal Blood” sa GMA Network, tuloy na rin ang paggawa na ng teleserye ni Kapuso Primetime Queen Marian Rivera.  Wala pa naman siyang binanggit kung ano ang magiging new serye niya at kung sino ang mga makakasama niya.

Definitely, hindi sila ni Dingdong tulad nang unang nabalita, dahil may sisimulan nang serye ang asawa.

Kaya ang pinaghahandaan muna ni Marian ay kung paano sasabihin sa mga anak nilang sina Zia at Sixto, na babalik na siyang magtrabaho. Kailangan daw niyang kausapin ang mga anak at ipaliwanag kung ano ang work niya kaya kailangang maiiwanan niya sila.

Sa ngayon kasi, no problem kay Marian kung nagho-host siya ng OFW documentary na “Tadhana,” dahil kinukunan ang mga spiels niya, sa loob mismo ng bahay nila at hindi niya kailangang umalis ng bahay.

                                      ***

MARAMING nahu-hook sa panonood ng mga GMA teleseryes, simula pa lamang sa “Abot-Kamay Na Pangarap”.

Walang reklamo ang mga viewers kahit humaba ang story ni Jillian Ward as Dra. Analyn Santos (Tanyag), dahil gusto nilang malaman kung paano tuluyang matatanggap ng lahat na anak lamang sa labas ang genius brain surgeon na si Analyn. Nadadagdagan din ang mga bagong characters sa serye, tulad ngayong pumasok na Dina Bonnevie, as Dr. Giselle Tanyag, ang bagong President at CEO ng Apex Medical Center, ang masungit na chef played by Gabby Eigenmann, at may mga coming guests pa kayang papasok?

Sinundan pa ito ng dalawang family drama series na “AraBella” at “Underage.”

Sa GMA Telebabad naman ay hinihintay ng mga viewers ang mga action scenes nina Sanya Lopez, Gabi Garcia, Kylie Padilla, Jeric Gonzales against Vin Abrenica. Michelle Dee, Pancho Magno, Arra San Agustin sa “Mga Lihim ni Urduja.”

Very inspiring din ang “Hearts on Ice,” ang first figure-ice skating serye sa GMA na tampok ang new love team nina Ashley Ortega at Xian Lim.

May nag-post na nanay sa kanyang socmed na kasama ang dalawa niyang anak na babae, na nag-bonding sa ice skating rink dahil daw matataas ang grades ng mga ito.  Caption nga niya sa photo, “Ang mga Ponggay ng buhay Ko.”

‘Ponggay’ ang name ni Ashley sa serye na napapanood Mondays to Fridays sa GMA-7.

(NORA V. CALDERON)