• April 24, 2025
  • Search in People's Balita

  • Ang Diyaryong Pinagkakatiwalaan

 

No. 4 most wanted person ng Malabon, timbog

HIMAS-REHAS ang isang lalaki na wanted sa kasong statutory rape matapos malambat ng pulisya sa ikinasang manhunt operation sa Malabon City, kamakalawa ng hapon.
          Sa kanyang ulat kay Northern Police District (NPD) Acting Director P/Col. Josefino Ligan, sinabi ni Malabon police chief P/Col. Jay Baybayan na nakatanggap ng impormasyon ang Warrant and Subpoena Section, (WSS) na naispatan sa kanilang lugar sa Brgy. Ibaba ang presensya ng 22-anyos na akusado na nakatala bilang Top 4 Most Wanted Person sa lungsod.
          Agad bumuo ng team ang WSS, kasama ang mga tauhan ng Malabon Police Sub-Station (SS7) at District Special Operations Unit (DSOU) ng NPD saka ikinasa ang police operation na nangresulta sa pagkakaaresto sa akusado dakong alas-3:20 ng hapon sa Camus Extension, Bgry. Ibaba.
          Ang akusado na nakatala naman bilang top 5 MWP sa NPD ay pinosasan ng pulisya sa bisa ng warrant of arrest na inisyu ni Presiding Judge Rhoda Magdalene L. Mapile-Osinada ng Regional Trial Court Branch 289, Malabon City para sa kasong Statutory Rape na walang inirekomendang piyansa.
          Pinuri naman ni NPD Director Ligan ang dedikasyon at mabilis na pagkilos ng lahat ng unit na nagsama-sama para masiguro ang matagumpay na operasyong ito.
Aniya, manatiling matatag sa ang NPD sa pangako nito sa pagtiyak ng kaligtasan ng publiko at pagpapanatili ng kapayapaan at kaayusan. Dagdag niya, ang patuloy na pakikipagtulungan sa komunidad at stakeholder ay isang pundasyon ng kanilang mga pagsisikap na bumuo ng isang ligtas at maayos na kapaligiran para sa lahat.
Pansamantalang nakapiit ang akusado sa detention facility unit ng Malabon police habang hinihintay ang pagpapalabas ng commitment order mula sa hukuman para sa paglilipat sa kanya sa City Jail. (Richard Mesa)
Other News

  • Grupo ng mga gobernador, ihihirit sa IATF ang COVID-19 test sa lahat ng mga biyahero

    Hinimok ng League of Provinces of the Philippines (LPP) ang Inter-Agency Task Force na obligahin ang mga biyahero na sumailalim sa COVI-19 testing sa entry point ng mga lalawigan.     Ayon kay LPP President at Marinduque Gov. Presbitero Velasco Jr., hihilingin daw nila sa IATF na payagan sila na magsagawa ng alinman sa PCR […]

    read more

  • Vintage bombs nadiskubre sa Caloocan

    NATAGPUAN ang hinihinalang mga vintage bombs o Explosive Remnants of War (ERW) sa isang excavation site sa Caloocan City, kamakalawa ng hapon.     Ayon sa ulat, dakong alas-3:20 ng hapon nang madiskubre ang nasabing ERW sa excavation site sa loob ng Manila Central University Compound sa Morning Breeze St., Brgy. 84 ni Virgilio Lapitan, […]

    read more

  • New York at Massachusetts tatanggalin na ang mandatory na pagsusuot ng mga face mask

    INANUNSIYO ng gobernador ng New York at Massachusetts na kanila ng tatanggalin ang pagsusuot ng face mask.     Sinabi ni New York Gov. Kathy Hochul na maari lamang tanggalin ang pagsusuot ng face mask kapag ang indibidwal ay naturukan na ng bakuna laban sa COVID-19.     Bumaba na rin aniya ang kaso ng […]

    read more
People's Balita.
All rights reserved. © Copyright 2025.