• April 20, 2024
  • Ang Diyaryong Pinagkakatiwalaan

No vaccine, no contact sports – PSC

 Pinayuhan ni Philippine Sports Commission (PSC) Commissioner Ramon “El Presidente” Fernandez ang lahat ng National Sports Associations (NSAs) na sumunod sa ipinatutupad na protocol at rekomendasyon mula sa Inter-Agency Task Force  on Emerging Infectious Diseases (IATF-EID) para sa unti-unting pagbabalik ng sports sa “new normal.”

 

Pansamantala, dapat muna umanong ituon ng NSAs ang kanilang mga programa gamit ang teknolohiya upang patuloy na makapagsanay ang mga atleta, ani Fernandez.

 

‘No vaccine, no contact sports muna talaga or else we want to sacrifice the health and well-being of the athletes and coaches,” sambit pa nito.

 

Sa kabila ng kasalukuyang katayuan, iginiit naman ni Fernandez, ang Officer-in-Charge ngayon sa ahensya habang nakabakasyon si Chairman William ‘Butch’ Ramirez, na walang patlang at makukuha ng mga atleta at coach ang kanilang buwanang allowances sa naunang napagpasiyahan na 50 porsiyento.

 

“The Philippine Amusement and Gaming Corporation remittance continued kaya tuloy-tuloy pa rin  ang allowances ng mga atleta. We give 50  percent of their corresponding allowances para mapagkasya natin ang budget until December. Like other government agencies, nagbawas tayo ng budget para maidagdag sa gastusin ng pamahalaan sa paglaban sa COVID-19,” pahayag ni Fernandez.

 

“Tiis-tiis lang muna tayo dahil lahat tayo sa buong mundo ay naapektuhan ng pandemic. But rest assured, as what President Duterte instructed to us, aalagaan namin ang mga atleta,” kwento pa ni Fernandez sa ginanap na 1st Top Usapang Sports on Air.

 

Nakabantay rin ang PSC sa pangangailangan ng mga atleta na kasalukuyang nasa abroad tulad nina pole vaulter EJ Obiena at gymnast Carlos Yulo  na kasalukuyang nagsasanay bilang paghahanda sa naudlot na Tokyo Olympics.
“Tutok tayo r’yan. But for our athletes na under quarantine rito sa atin, tuloy lang ayuda natin,” pahayag ng four-time PBA MVP.

 

Kabilang sa programa na isinusulong ng PSC ay ang online module para sa training, strength and conditioning, psychological at medical test ang mga atleta at coaches.

 

“Kumpleto tayo sa personnel para sa pangangailangan na ‘yan ng mga atleta. On the part of the NSA’s we appreciate the initiatives para sa online training and competitions tulad ng chess, karate and taekwondo,” aniya.

 

Inamin ni Fernandez na malaki ang epekto sa performance ng atleta ang kawalan ng face-to-face sparring at training, higit sa mga atleta na nakatakdang sumabak sa Olympics at hahataw pa sa nalalabing qualifying meet sa susunod na taon, ngunit ang marubdob na pagnanasang manaig at makapagbigay ng karangalan sa bansa ang magiging baston sa tagumpay ng atletang Pinoy.

Other News
  • House Bill House 5914 o “Firecrackers Prohibition Act,” isinusulong

    SA HANGARING mabawasan o mapigilan na ang anumang “firecracker-related injuries,” nais ng isang mambabatas ang tuluyang pagbabawal o total ban sa bentahan, distribusyon at paggamit ng mga “firecracker” o paputok at iba pang pyrotechnic devices.     Sa House Bill House 5914 o “Firecrackers Prohibition Act,” isinusulong ni House Committee on Local Government Chairman at […]

  • NURSING STUDENT UTAS SA SUNOG SA MALABON

    ISANG 20-anyos na babaing nursing student ang nasawi matapos umanong ma-trap sa nasusunog nilang tirahan sa Malabon City, Miyerkules ng umaga.     Natutulog umano ang biktimang si alyas “Nyanza”, working student ng Our Lady of Fatima University sa ikalawang palapag ng kanilang tirahan sa A. Bonifacio St., Brgy. Tugatog nang sumiklab ang sunog dakong […]

  • NADINE, hinahanapan na ng magandang projects na ipi-present ng Viva; open din na magpartner sila ni JAMES

    NAG-UUSAPAN na uli si Nadine Lustre at ang Viva Entertainment.     Ito ang ipinahayag ni Vincent del Rosario sa presscon ng Vivamax, ang streaming platform ng Viva which marked its sixth month.     Ayon pa kay Vincent, nakatakda raw silang makipag-usap kay Nadine para mag-present ng projects sa dalaga.     Si Boss […]