NTC, inatasan ang mga telcos na balaan ang publiko sa text scam
- Published on November 26, 2021
- by @peoplesbalita
Inatasan ng National Telecommunications Commission (NTC) ang mga telecommunication companies na magpadala ng text blast sa kanilang subscribers para balaan tungkol sa text spam o umano’y mga text messages na naglalaman ng mga alok na trabaho.
Sa gitna ito ng mga ulat na kalat na kalat na ang mga ganitong SMS messages.
Sa memorandum order na may petsang Nov. 19 na nilagdaan ni NTC Commissioner Gamaliel Cordoba, inatasan nito ang Digitel Mobile Philippines, Globe Telecoms, Dito Telecommunity at Smart Communications na magpadala ng text blast na naglalaman ng mensahe na:
“BABALA! Huwag maniwala sa text na diumano’y nag-aalok ng trabaho. Huwag po magbigay ng personal na impormasyon. Ito po ay isang scam.”
Pinagsusumite rin ng komisyon ang telcos ng report of compliance bago o pagsapit ng December 14.
Ginawa ng NTC ang direktiba makaraang libo-libong users ang nagbahagi ng text messages o emails tungkol sa alok na trabaho na tinawag ng mga otoridad na scam.
Kaugnay nito, muling binuhay ni NTC Deputy Commissioner Ed Cabarios ang pagpasa ng SIM card registration bill.
Sa pamamagitan nito ay madali raw matukoy ang nagmamay-ari ng simcard kasi mairerehistro na ito.
Aminado si Cabarios na mahirap habulin sa ngayon ang mga scammers gamit ang simcard.
Isa sa mga nakikitang posibilidad ni Cabarios kung saan nakukuha ang mga mobile phone numbers ay sa mga contact tracing forms sa mga malls.
Kung maalala noong nagkaroon ng Coronavirus disease 2019 (COVID-19) pandemic ay required sa mga establisimiyentong pumirma ng contact tracing form bago makapasok.
Isa sa mga hinihinging impormasyon dito ang mobile number maging ang pangalan ng pipirma.
Kaya naman panawagan ng NTC, kung hindi kilala ang sender ng mga messages, huwag replayan. (Daris Jose)
-
LIFE HACK 101: ANG PINAKAMALUPIT NA SIKRETO UPANG IKAW AY YUMAMAN AT UMUNLAD SA BUHAY, ISA-ISAHIN!
Alam ba ninyo na anumang simpleng bagay na ginagawa natin sa araw-araw ay nagdidikta ng uri ng kapalaran at pamumuhay na magkakaroon tayo? Ang simpleng pagliligpit lamang ng higaan sa umaga ay magsasabi na kung ikaw ay magiging matagumpay sa buhay. Oo. Dito mo masasabi kung ikaw ay nakatadhanang umasenso o hindi. Ang pagliligpit […]
-
Wish na manahin ng anak na si Peanut: LUIS, hanga sa sobrang kabaitan ng kapatid na si RYAN CHRISTIAN
MAY pahintulot ng ABS-CBN management ang paglabas ni Luis Manzano sa pilot episode ng ‘My Mother, My Story’, ang limited talk series ni Boy Abunda na matutunghayan sa GMA-7 sa darating na Linggo, Mayo 12, 2024, 3:15 p.m. May exclusive contract si Luis sa ABS-CBN, pero pinayagan siya na maging panauhin sa […]
-
Miss Universe Myanmar THUZAR WINT LWIN, balitang ‘di na makababalik pagkatapos magsalita sa kaganapan sa bansa
MARAMI ang nalungkot at naawa para kay Miss Universe Myanmar 2020 Thuzar Wint Lwin dahil hindi na raw ito makababalik sa kanyang bansa pagkatapos niyang magsalita tungkol sa mga nagaganap sa kanilang bansa sa US media. Nakahanda na raw ang arrest warrant niya kapag dumating siya sa Myanmar. Kabahagi si Thuzar […]