NTF-ELCAC exec, NegOr guv, Palace photog officers nag-oath taking sa harap ni PBBM
- Published on October 7, 2022
- by @peoplesbalita
PINANGUNAHAN ni Pangulong Ferdinand Marcos Jr. ang panunumpa sa tungkulin ni retired Lt. Gen. Emmanuel Salamat bilang executive director ng National Task Force to End Local Communist Armed Conflict (NTF-ELCAC).
Ibinahagi ni Pangulong Marcos ang ilang larawan ng mass oath-taking ceremony na isinagawa sa President’s Hall sa Malacañan Palace sa Maynila.
Buwan ng Hulyo nang italaga ni Pangulong Marcos si Salamat bilang executive director ng NTF-ELCAC National Secretariat.
Ang NTF-ELCAC, itinatag sa bisa ng Executive Order 70 na nilagdaan ni dating Pangulong Rodrigo Roa Duterte sa 2018, ay may mandato na isulong ang “whole-of-nation approach to counter communist insurgency and attain inclusive and sustainable peace.”
Bago pa ang kanyang bagong posisyon, nagsilbi si Salamat bilang board member ng Metropolitan Waterworks and Sewerage System sa ilalim ng administrasyong Duterte.
Si Salamat, bago pa ang kanyang retirement mula sa military service, ay nanguna sa Tarlac-based Northern Luzon Command.
Maliban kay Salamat, nanumpa rin sa kanyang tungkulin si Negros Oriental Governor Roel Degamo.
Si Degamo, isang reelectionist governor ay pinroklama bilang duly-elected governor ng Negros Oriental province matapos na ang boto ng dating proklamadong nanalo na si Pryde Henry Teves ay inilipat sa kanya (Degamo) at ibinilang pabor sa kanya.
Samantala, pinangunahan din ni Pangulong Marcos ang oath-taking ng “new set of officers” ng Malacañang Cameramen Association (MCA) at Presidential Photojournalists Association (PPA).
Sa isang Facebook post, kumpiyansang inihayag ni Pangulong Marcos na magagampanan nina Salamat, Degamo, at mga opisyal ng MCA at PPA ang kani-kanilang mga tungkulin “with excellence and integrity.”
“Nagpapasalamat tayo sa kanilang dedikasyon at umaasang buong husay at katapatan nilang gagampanan ang kanilang tungkulin para sa bayan,” aniya pa rin. (Daris Jose)
-
Bb. Pilipinas International HANNAH, nagpasalamat sa ex-boyfriend na si MARLO na palaging nakasuporta
DAHIL sa pinost ni Marlo Mortel sa kanyang Instagram account na throwback pictures nila ng bagong crowned na 2021 Binibining Pilipinas International na si Hannah Arnold at may caption ito na, “So proud of this one! Hard work, dedication and a compassionate heart truly pays off. From this pic last 2015, I’ve seen how you’ve grown to become […]
-
8 aplikante sa inisyal na listahan ng kandidato para sa Maharlika Investment Corp.-DBM
MAY walong aplikante ang nagsumite ng kanilang aplikasyon para maging bahagi ng board of directors ng Maharlika Investment Corp. (MIC). Sinabi ni Budget Secretary Amenah Pangandaman na “Yung info na nabigay sakin nung una, but this was two weeks ago when we started, parang there’s already seven to eight… Private mostly, walang government.” Ang MIC […]
-
Ipasa ang Anti-Endo Law
KINALAMPAG ng Malakanyang ang Mababang Kapulungan ng Kongreso na agad na ipasa ang batas na magtutuldok sa “endo” o end of contract ng mga manggagawa sa pribadong sektor. Ito’y makaraang manawagan ang iba’t ibang grupo ng mga manggagawa sa gobyerno dahil sa kawalan pa rin ng batas laban sa contractualization na isa sa ipinangakong […]