Number coding, maaaring mapalawak sa Kalakhang Maynila ngayong Alert Level 1 na- MMDA
- Published on March 2, 2022
- by @peoplesbalita
MAAARING lumawak pa ang number coding scheme sa Kalakhang Maynila ngayong sumailalim na sa Alert Level 1.
Ang pahayag na ito ng Metropolitan Manila Development Authority (MMDA) ay matapos na ianunsyo ng Malakanyang ang naging desisyon ng Inter-Agency Task Force (IATF) na ang National Capital Region at 38 iba pang lugar ay isasailalim sa “least restrictive quarantine classification” simula Marso 1.
Sinabi ni MMDA Special Operations Group head Bong Nebrija na maaaring palawakin ng ahensiya ang traffic scheme matapos na makita ang traffic volume sa Kalakhang Maynila.
“It may take 3 days to one week for us to get a volume count,” ayon kay Nebrija.
Ang kasalukuyang number coding ay ipinatutupad mula alas-5:00 ng hapon hanggang alas alas-8:00 ng gabi tuwing weekdays, sakop ang mga private vehicles.
“Titignan natin if that still holds. Kailangan dagdagan sa umaga, kailangan ba natin gawin buong araw? Eh makikita po natin yan depende sa volume na makukuha natin on the first week,” dagdag na pahayag ni Nebrija.
Samantala, nakapagtala naman ang Pilipinas ng positivity rate na 5 percent, araw ng Linggo , kung saan pinakamababa para sa taong kasalukuyan. (Bishop Jesus “Jemba” M. Basco)
-
‘Laptop anomaly’ sa DepEd, ‘di palalagpasin
HINDI palalagpasin ng Senado ang umano’y overpriced na mga laptop na binili ng Department of Education (DepEd) bunsod para maghain na ng resolusyon na nananawagan sa Senate Blue Ribbon Committee na magsagawa ng imbestigasyon tungkol dito. Sa Proposed Senate Resolution No. 134, sinabi ni Sen. Alan Peter Cayetano na may kagyat na pangangailangan […]
-
UFC mma veteran Elias Theodorou pumanaw na, 34
PUMANAW na ang dating UFC mixed martial arts veteran Elias Theodorou dahil sa cancer sa edad 34. Mayroong record itong 19 panalo at tatlong talo bilang professional mixed martial arts sa world’s premirer MMA organization. Noong 2014 hanggang 2019 ng makapasok ito sa UFC ay mayroong record siya na walong panalo […]
-
Asian Athlete of the Century si ‘Pacman’ KINILALA si Manny Pacquiao bilang numero unong atleta sa buong Asya ngayong 21st century, ayon sa prestihiyosong Top 25 Asian Athletes ng ESPN.
Pinunto ng ESPN ang walang kaparis na achievements ni Pacquiao sa boxing, kung saan isa siya sa maituturing na pinakamagaling sa buong mundo kaya nararapat lang na maging No. 1 sa Asya. Hanggang sa ngayon, ang tinaguriang Pambansang Kamao na si Pacquiao pa lang ang natatanging fighter sa kasaysayan na naghari sa 8 magkakaibang weight […]