OCTA research, tiwala sa hakbang ng gobyerno na ituloy na ang pagsasagawa ng face to face classes
- Published on July 15, 2022
- by @peoplesbalita
TIWALA ang OCTA Research sa desisyon ng gobyerno na ipilit ang face to face classes sa darating na Agosto para sa school year 2022- 2023.
Sa Laging Handa public briefing, sinabi ni Dr. Guido David na tiwala silang naging mabusisi ang gobyerno para pagpasiyahang ikasa na ang face to face ng mga mag- aaral.
Sa katunayan ani David ay suportado nila ang naturang hakbang ng gobyerno lalo nat naging matagal ang pagkakatengga ng mga estudyante sa kani- kanilang mga tahanan.
Sinabi pa nito na naka- apekto din aniya sa education quality ang matagal na pananatili ng mga bata at kawalang interaksiyon sa kapwa nila mag- aaral bunga ng pandemya.
Kaya dapat lamang aniya na ituloy na ang face to face lalo na’t hindi na naman ganoon kataas ang wave of infection na nakikita ngayon.
“We support iyong face-to-face classes, kasi ang tagal nang nakakulong iyong mga bata lalo na iyong mga students natin and this is affecting their education quality pati rin iyong productivity. Hindi ako makakapag-comment about iyong preparations na ginagawa ng mga concerned institutions,” aniya pa rin.
“Siyempre, I trust that they’re doing their due diligence. I think we have to push through with the face-to-face classes, lalo na kung hindi naman ganoon kataas iyong wave of infection na nakikita natin ngayon,” dagdag na pahayag ni David. (Daris Jose)
-
Sobrang saya na kasama ang movie sa ‘2023 MMFF’: VILMA, excited nang mag-promote at sumama sa ‘Parade of Stars’
MASAYANG-MASAYA si Star for All Seasons Vilma Santos at feeling nasa cloud nine, nang malamang kasali ang reunion movie nila ni Christopher de Leon, ang “When I Met You in Tokyo” sa 49th Metro Manila Film Festival sa December. Nagpasalamat si Ate Vi sa Metropolitan Manila Development Authority (MMDA) na nakasama ang kanilang […]
-
TNT sa bingit ng nawawalang playoffs sa unang pagkakataon sa loob ng apat na taon
Naghukay ang TNT ng mas malalim na butas sa nanginginig nitong kampanya sa PBA Commissioner’s Cup. Kasunod ng 140-108 kabiguan na dinanas nila sa mga kamay ng mga lider ng Bay Area Dragons, ang Tropang Giga ay nahaharap sa mabigat na gawain na kailangang manalo sa kanilang huling laro sa eliminations at umaasa na […]
-
Mga lugar na naka-granular lockdown, tututukan ng IATF
MAGPAPATUPAD ang pamahalaan nang mas mahigpit na pagmo-monitor sa iba’t ibang mga lugar na nasa ilalim ng granular lockdown. Sinabi ni Presidential Spokesperson Harry Roque, ito’y sa harap na rin ng gagawin nang pagbabahay- bahay ng mga taga DOH at mga nasa barangay upang madetermina ang mga mayroon ng sintomas ng virus. Importante […]