Oil petroleum exporting countries nag-anunsiyo ng pagbawas ng 2 million barrels kada araw
- Published on October 8, 2022
- by @peoplesbalita
INANUNSIYO ng Organization of Petroleum Exporting Countries (OPEC+) na babawasan nila ang oil production ng 2 million barrels kada araw kung saan ito na ang itinuturing na pinakamalaking pagbabawas ng produksiyon mula noong simula ang COVID-19 pandemic.
Ang naturang hakbang ay posible umanong magdulot ng pagtaas na naman ng presyo ng mga produktong gasolina sa international market.
Ang OPEC+ ay grupo ng mga major oil producers kasama na ang Saudi Arabia at Russia.
Ang anunsiyo ng OPEC+ ay matapos naman ang kauna-unahan nilang pagpupulong na huling naganap ay noon pang Marso ng taong 2020.
Sinasabing ang pagbabawas ng 2 milyong bariles kada araw sa produksiyon ay katumbas ito ng 2% sa global oil demand.
Agad namang naapektuhan ang presyuhan ng tinatawag na Brent crude oil na umangat ang presyo ng 1.5% na katumbas sa mahigit sa $93 kada bariles.
Ang production cuts ay magsisimula na sa buwan ng Nobyembre.
Samantala, binatikos naman ng Biden administration ang naging desisyon ng OPEC+ na tiyak na tatamaan ang mga low and middle-income countries na nakakaranas na rin ng mataas na presyuhan ng krudo.
Ang OPEC at mga kaalyado nito na kumukontrol sa 40% ng global oil production ay umasang mapigilan ang pagbaba ng demand dahil sa economic slowdown sa China, Amerika Europe.
Naniniwala naman ang ilang analyst na ang pagtaas ng presyo ng langis ay nangangahulugan din na mananatili ang inflation nang matagal at inaasahang magbibigay ng pressure sa Federal Reserve na mas lalong magtataas din ng interest rates. (Daris Jose)
-
Gobyerno, muling ininspeksyon ang Malampaya gas-to-water project
ININSPEKSYON ng mga opisyal ng gobyerno ang Malampaya deep water gas-to-power project sa offshore Palawan upang matiyak ang pagpapatuloy ng mga operasyon sa gitna ng inaasahang kakulangan ng suplay ng kuryente. Sinabi ni Enrique Razon na pinangunahan ng Prime Infrastructure Capital Inc. (Prime Infra) na ang mga opisyal mula sa Department of Energy […]
-
PBBM, patungong Davos para sa misyon na selyuhan ang investments, mag-uwi ng mas maraming hanapbuhay para sa mga Pinoy
LUMIPAD na si Pangulong Ferdinand R. Marcos Jr. patungong Davos, Switzerland, araw ng Linggo para manghikayat at makasungkit ng mas maraming investments sa World Economic Forum (WEF). Layon ng Pangulo na itulak ang kahandaan ng bansa sa mga gampanin sa regional at global expansion plans habang ang bansa ay bumabawi mula sa epekto ng pandemya. […]
-
British boxer Amir Khan, interesadong makalaban si Dela Hoya
Nagpahapyaw si British boxer Amir Khan sa ambisyon niya na makaharap din si retired boxing legend Oscar Dela Hoya. Sa pamamagitan ng kaniyang social media, nag-post ito ng larawan na kasama ang dating Mexican champion. OSCAR DELA HOYA Sinabi nito na interesadong bumalik sa boxing si Dela Hoya at interesado rin siyang […]