Olympics ‘di pa rin matutuloy sa 2021
- Published on July 24, 2020
- by @peoplesbalita
Tokyo – Nangangamba ang organizers ng 2021 Tokyo Olympics na maaaring hindi pa rin matuloy ang summer games kung wala pang made-develop na vaccine o gamot sa COVID-19.
Ayon kay Tokyo Olympics organizing committee president Yoshiro Mori, krusyal para sa na-reschedule na summer games ang vaccine o gamot upang matuloy ang event.
“It would be whether the coronavirus woe is settling down,” ani Mori. “Specifically, the first point will be that a vaccine or drug has been developed.”
Sa isang interview sinabi ni Mori na maaaring hindi matuloy ang na-reschedule na Olympic kung patuloy pa rin ang pagkalat ng coronavirus.
“If things continue as they are now, we couldn’t,” ani Mori.
Sinabi ni Mori na hindi niya alam ang iisipin kung magtutuloy-tuloy pa rin ang ganitong sitwasyon hanggang sa susunod na taon.
Nagsisimula na dapat nitong Biyernes ang napurnadang Tokyo 2020 na sinuspinde noong Marso dahil sa COVID-19 pandemic.
Muling itinakda ang Games sa July 23, 2021, pero sa isinagawang survey ay malamig ang pagtanggap ng publiko sa Japan para sa pagbubukas ng Olympics sa kanilang bansa.
Ayon sa survey na ginawa ng Kyodo News, isa sa apat na tao sa Japan ang gustong i-delay o tuluyan nang ikansela ang Olympics sa kanilang bansa dahil sa takot sa banta ng coronavirus.
Karamihan umano sa mga sumuporta sa kanselasyon ng Olympic ay naniniwalang hindi makokontrol ang pandemic bago ang pagdaraos ng summer games.
Ilang sa mga opsyon na inilalabas para matuloy ang Games ay ang gawin ang palaro na may limitadong manonood o gawin ang lahat ng event na walang manonood.
Pero, kinontra ni Mori ang pinalutang na opsyon at sinabing mahirap para sa kanila ang gawin ang palaro na walang spectators.
“If it’s the only way to do it, then it’s something we’d have to consider. If that happens, there might be talk of cancellation,” ayon kay Mori.
Sa ngayon, may naiulat ang Japan na 26,300 COVID-19 cases kung saan ang namatay ay pumalo sa 989.
-
Malakanyang, pinayuhan ang publiko na mag-ingat kahit pa humina ang bagyong ‘Agaton’
PINAYUHAN ng Malakanyang ang publiko na mag-ingat kahit pa humina na ang bagyong “Agaton” (international name Megi) at naging tropical depression na lamang. Partikular na pinaalalahanan ng Malakanyang na mag-ingat ang mga residente sa mga apektadong lugar. “Muli kaming nananawagan sa publiko, lalo na sa mga lugar na naapektuhan ng bagyo, […]
-
PBBM, nangakong lilikha ng ‘enabling environment’ para sa PH research
MULING inulit ni Pangulong Ferdinand Marcos Jr. ang kanyang pangako na lilikha ng “enabling environment” para sa research sa bansa pamamagitan ng pagsusulong na makalikha ng “local virology institute and disease prevention and control center.” Bahagi ito ng pahayag ni Pangulong Marcos sa kanyang naging pagdalo sa 15th Philippine National Health Research System […]
-
5K-10K COVID-19 cases kada araw babala ng OCTA
MULING nagbabala ang OCTA Research Group na maaaring umakyat ng 5,000 hanggang 10,000 ang arawang kaso ng COVID-19 sa bansa dahil sa bagong Omicron variants. Ginawa ng OCTA ang pagtataya base sa nakita nila na pagtaas ng kaso sa South Africa dulot ng BA.4 at BA.5 variants sa New Delhi sa India dulot […]