Omicron variant nakakamatay pa rin para sa mga vulnerable, ‘di pa bakunado vs COVID-19 – expert

Pinaalalahanan ng infectious disease expert na si Dr. Edsel Salvana ang publiko na nakakamatay pa rin ang Omicron variant sa harap ng mga reports na ito raw ay less fatal kumpara sa ibang variants ng COVID-19.

Ayon kay Salvana, maaring mas less deadly ang Omicron kumpara sa Delta variant pero maari pa rin ito na magdulot nang pagkamatay ng mga nasa vulnerable at unvaccinated populations.

Base sa mga datos aniya, mayroon pa rin kasing one-thirds na posibilidad na magdulot ng severse disease ang Omicron variant, na maaring ikamatay ng mga nasa vulnerable sectors at mga hindi pa bakunado.

Noong Lunes, sinabi ni Health Undersecretary Leopoldo Vega na maaring maging dominant variant ang Omicron sa bansa sa susunod na tatlo hanggang apat na linggo.

Samantala, pinapayuhan naman ni Salvana ang publiko na lagyan ng dalawang linggong pagitan ang pagpapabakuna kontra influenza at COVID-19.

Ito ay para mas maayos na ma-document kung ano ang maaring magdulot ng posibleng maranasang adverse effects gayong karamihan sa mga COVID-19 vaccines ay ginagamit dahil sa emergency use authorization pa lamang. (Daris Jose)