P1.5 milyon droga, baril nasabat ng CIDG sa buy bust sa Caloocan, 2 tiklo
- Published on July 8, 2022
- by @peoplesbalita
NASA P1.5 milyong halaga ng illegal na droga at baril ang nasamsam ng pulisya sa dalawang lalaki na naaresto sa isinagawang Oplan Paglalansag Omega, Oplan Big Bertha at Oplan Salikop sa Caloocan City, kamakalawa ng hapon.
Nakilala ang mga nadakip na sina Emmanuel Joseph Bendal, 31 ng Blk 13 Lot 39 Belmont Park. Brgy. Caypondo, Sta Maria, Bulacan at Jess Noriega, 41 ng 130 San Vicente, Macabebe, Pampanga na umano’y sangkot sa pagbebenta ng hindi lisensiyadong baril at ilegal na droga sa area ng CAMANAVA (Caloocan, Malabon, Navotas,Valenzuela).
Dakong alas-5 ng hapon nang ikasa ng pinagsanib na puwersa ng Criminal Investigation and Detection Group ng Northern Metro Manila District Field Unit (CIDG-NMMDFU), District Special Operation Unit ng Northern Police District (DSOU-NPD) District Drug Enforcement Unit (DDEU) at Caloocan City Police ang buy-bust operation laban sa mga suspek na nag-alok ibenta ang kalibre .45 pistola sa halagang P10,000.00 sa 7th Avenue, Brgy. 54.
Nang dumating sa lugar na itinakda ang mga suspek, sakay ng isang kulay itim naHyundai Tucson na may plakang UIT-299, kaagad silang sinalubong ng pulis na nagpanggap na buyer upang i-abot ang markadong salapi kapalit ng ibinebentang kalibre .45 baril.
Nang tanggapin ng pulis ang baril kapalit ang ibinayad na markadong salapi, kaagad nang pinalibutan ng kapulisan ang mga suspek na nagresulta sa kanilang pagkakadakip.
Bukod sa ibinebentang baril, nakumpiska sa mga suspek ang tinatayang 200 gramo ng shabu na nakalagay sa dalawang plastc ice bag na nagkakahalaga ng P1,360,000.00, 30 gramo ng pinatuyong dahon ng marijuana na umaabot sa halagang P168,000.00, buy bust money na isang tunay P1,000 at siyam pirasong P1,000 boodle money, cellular phone, digital weighing scale, dalawang magazine assembly ng kalibre 45 baril at 14 na bala ng naturang kalibre.
Ang mga nadakip ay iprinisinta na sa piskalya ng Caloocan kaugnay sa isasampa sa kanilang mga kasong paglabag sa R.A. 10591 o ang Comprehensive Law on Firearms and Ammunition Act at R.A. 9165 o ang Comprehensive Dangerous Drug Act of 2002. (Richard Mesa)
-
Walang ‘conflict of interest’ sa F2 Logistics deal para sa 2022 polls – Comelec
Binigyang diin ng Commission on Elections (Comelec) na walang “conflict of interest” sa pinasok na kontrata ng komisyon sa logistics company na iniuugnay sa negosyante at major campaign donor ni Pangulong Rodrigo Duterte noong tumakbo ito sa pagka-presidente noong 2016. Ang logistic firm ni Uy na F2 ang siyang magde-deliver ng mga election […]
-
Libreng sakay program ng PUVs at MRT-3, magtatapos sa Hunyo 30
MAGKASABAY na magtatapos ang ‘Libreng Sakay program’ ng mga public utility vehicles (PUVs) at ng Metro Rail Transit Line 3 (MRT-3) sa Hunyo 30, 2022, na siya ring huling araw sa puwesto ng administrasyong Duterte. Ayon sa Land Transportation Franchising and Regulatory Board (LTFRB), nagdesisyon silang tapusin na ang kontrata ng mga natitira […]
-
5 araw bago Holy Week: Simbahan, may paalala sa mga deboto sa gitna pa rin ng pandemya
PINAG-INGAT ng simbahan ang mga mananampalataya sa mga aktibidad na gagawin kasabay nang pag-aayuno sa nalalapit na Holy Week. Ayon kay Fr. Jerome Secillano, ang Executive Secretary ng Permanent Committee on Public Affairs ng Catholic Bishops’ Conference of the Philippines, bago pa man nagkaroon ng pandemya ay sinasabi na ng Simbahan sa mga […]