P102 milyon ng ‘shabu tea’ nasamsam sa Cavite
- Published on March 9, 2020
- by @peoplesbalita
TUMATAGINTING na P102 milyon halaga ng shabu ang nasabat at pagkakaaresto sa tinaguriang Drug Lord at distributor ng droga sa buong Cavite Laguna Batangas Rizal Quezon (CALABARZON) , National Capital Region (NCR at Mindanao) at 2 iba pa sa isinagawang buy bust operation sa Bacoor City, Cavite.
Kasong paglabag sa Section 5 in relation to Section 26 at Section 11, Article II ng RA 9165 ang isinampa laban sa mga naarestong suspek na sina Ronnie Mordiquio Menodiado, 38, alias Boy, tinaguriang Drug Lord sa Cavite area, NCR at Mindanao at residente ng 121-A Estrella St., Pasay City; Victorio Vida Najera, 35 ng 1719 Cuyegking St., Pasay City at Annnie Rose Torres Lingua alias Ate, 30 ng Dalipuga, Kalubihon, Iligan City
Sa ulat ng Philippine Drug Enforcement Unit (PDEA)-Cavite, dakong ala-1:00 ng hapon Huwebes nang magsagawa ng buy bust operation na tinawang na COPLAN-“Magellan” ang pinag-samang pwersa ng PDEA IVA, PDEA RO-NCR, PDEA RO IX at pakikipag-koordinasyon sa Bacoor City Police Station sa Molino Blvd corner Aguinaldo Highway, Talaba 4, ng naturang Lungsod na nagresulta sa pagkakaaresto sa tatlo.
Narekober sa kanila ang 15 open green foil packs na Guanyinwang (Chinese Tea bag) na naglalaman ng hinihinalang shabu o tinatayang 15 gramo na may street value na P102 milyon; na pinaghihinalaan ng mga pulis na galing sa Golden Triad, buy bust money; isang unit na Vivo cellphone at isang motorsiklong Honda Jazz na may plakang VEM 956.
Sa isinagawang raid lumutang ang bagong modus sa bentahan ng droga kung saan ipaparada ng pusher ang kanyang sasakyan sa isang lugar at iiwan ang pera doon.
Darating naman ang supplier dala ang shabu at may duplicate na susi ng kotse. Iiwan niya ang droga sa loob ng sasakyan at kukunin ang pera.
Pagbalik naman ng pusher ay tangay na nito ang shabu.
Posible rin umanong nagbe-benta ng droga sa mga paaralan ang suspek dahil nakita ang sasakyan na nakaparada malapit dito.
Ayon sa PDEA, maituturing na drug Lord si Menodiado dahil siya ang pinaggagalingan ng droga at marami itong tauhan at mga distributor.
Ang tatlo ay pawang nakakulong sa PDEA-Cavite Custodial Center. (Gene Adsuara)
-
Role ni ALLEN bilang ‘battered husband’, pinaka-challenging sa mga nagampanan
AYON sa award-winning actor na si Allen Dizon, ang papel niya bilang Olan sa Battered Husband ang isa sa pinaka-challenging na kanyang ginampanan. “Kasi hinahayaan ko na abusuhin ako ng asawa ko physically, emotionally at psychologically. Hindi ako ganyan sa totong buhay. Hindi ko sinasaktan ang asawa ko at hindi ko rin naman […]
-
Watanabe, Knott pasok sa Tokyo Olympics
Nadagdagan pa ng dalawa ang bilang ng mga atletang isasabak ng Pilipinas sa 2021 Olympic Games sa Tokyo, Japan sa Hulyo 23 hanggang Agosto 8. Ito ay matapos makakuha ng Olympic berth sina Fil-Japanese judoka Kiyomi Watanabe at Fil-American trackster Kristina Knott sa pamamagitan ng continental quota at universality slot, ayon sa pagkakasunod. […]
-
Kamara, magsasagawa ng espesyal na pagdinig hinggil sa oil price hikes
NAKATAKDANG magsagawa ng espesyal na pagdinig ang House of Representatives sa darating na Marso 9, sa susunod na linggo. Ito ay may kaugnayan pa rin sa nakaka-alarmang walang humpay na pagtaas ng presyo ng langis sa bansa. Ayon kay Ways and Means Committee chairperson at Albay Representative Joey Salceda, tatalakayin sa […]