P340K shabu nasamsam sa 2 HVI drug suspects sa Valenzuela
- Published on August 30, 2024
- by @peoplesbalita
MAHIGIT P.3 milyong halaga ng shabu ang nasabat sa dalawang drug suspects na itinuturing bilang High Value Individual (HVI) matapos malambat ng pulisya sa ikinasang buy bust operation sa Valenzuela City, Huwebes ng umaga.
Kinilala ni Valenzuela police chief P/Col. Nixon Cayaban ang naarestong mga suspek na sina alyas Emmon, 27, ng Brgy., Veinte Reales at alyas Banak, 30, ng Caybiga, Caloocan City na kapwa nakapiit ngayon sa custodial facility unit ng Valenzuela police.
Sa kanyang report kay Northern Police District (NPD) Director P/BGen. Rizalito Gapas, sinabi ni Col. Cayaban na dakong alas-6:50 ng umaga nang maaresto ng mga operatiba ng Station Drug Enforcement Unit (SDEU) ang mga suspek sa Plastic City Avenue, Brgy. Veinte Reales.
Nakumpiska sa mga suspek ang humigi’t kumulang 50 grams ng hinihinalang shabu na may stimated value na P340,000, buy bust money na isang P1,000 bill at 16 pirasong P1,000 boodle money, dalawang cellphones, P220 recovered money, coin purse at isang motosiklo.
Ayon kay SDEU Chief P/Capt. Joan Dorado, unang nakatanggap sila ng impormasyon hinggil sa umano’y ilegal drug activities ng mga suspek kaya agad siyang bumuo ng tean sa pangunguna ni P/Lt. Johnny Llave saka ikinasa ang buy bust operation na nagresulta sa pagkakaaresto sa mga ito.
Ani PMSg Carlos Erasquin Jr., kasong paglabag sa Sections 5 at 11 under Article II of RA 9165 o ang Comprehensive Dangerous Drug Act of 2002 ang isasampa nila laban sa mga suspek sa Valenzuela City Prosecutor’s Office.
Pinuri naman ni Gen. Gapas ang Valenzuela police sa kanilang matagumpay na operation kontra ilegal na droga na nagresulta sa pagkakaaresto sa mga suspek. (Richard Mesa)
-
Paulo at Michelle, marunong pa ring tumanaw ng loob sa network
NAWALA na ang exclusive contracts ang lahat ng mga artista o tinatawag na network contract nang ipasara ng Kongreso ang ABS-CBN dahil hindi nila inaprubahan ang aplikasyon para sa bagong prangkisa. Ganito rin ang Star Magic talents na puwede silang tumanggap na ng ibang offers sa ibang network base rin sa pahayag ng namamahala […]
-
Mass protest sa LRT-1 fare hike nakaamba
NAGBABALA si Akbayan Partylist Rep. Perci Cendaña sa Department of Transportation (DOTr) sa nakaambang ‘massive protest actions’ kung hindi ipatitigil muna ng Light Rail Manila Corporation (LRMC) ang P5-P10 taas pasahe sa Light Rail Transit (LRT) 1. Ito’y kasunod ng inianunsyo ng LRMC na simula Abril 2, ang pinakamaikling LRT-1 trip ay P20 (dating P15) habang […]
-
Mayor, konsehal na akusado sa rape, dinampot ng NPD
BINITBIT ng mga tauhan ng Northern Police District (NPD) ang alkalde, konsehal, at kawani ng isang bayan sa Bulacan na pawang akusado sa panggagahasa mahigit limang taon na ang nakakalipas sa Caloocan City. Sa ulat ni NPD Acting Director P/Col. Josefino Ligan kay National Capital Region Police Office (NCRPO) Director P/BGen. Anthony […]