P453-B inilaan para sa climate-related expenditure para sa 2023
- Published on August 30, 2022
- by @peoplesbalita
ISASAMA sa panukalang National Expenditure Program (NEP) for 2023 ang P453 billion para sa climate change adaptation at mitigation programs at projects.
Sa isang press statement, sinabi ng Department of Budget and Management (DBM) na ang climate-related expenditure para sa susunod na taon ay 56.4% na mas mataas kumpara sa P289.73 bilyon ngayong taon.
Sinabi ni Budget Secretary Amenah Pangandaman na nag-document ang kanyang tanggapan ng average na 21.3 percent increase sa climate-related expenditures mula 2015 hanggang 2023.
“With the continuous help of implementing agencies and of every Filipino, we can work towards climate resiliency to safeguard a sustainable future for our country,” ayon kay Pangandaman.
Ang joint memorandum ay naglalayong “i- track, monitor, and report programs that help address and alleviate problems posed by climate change.”
Ang CCET process ay hakbang para sa progreso sa implementasyon ng climate change initiatives.
Tinukoy ang CCET results, sinabi ng DBM na P264.89 billion ay inilaan para sa Water Sufficiency projects na binigyang prayoridad ng kasalukuyang administrasyon, P131.51 billion para sa Sustainable Energy; at P40.78 billion para sa Food Security.
Makatanggap ang Department of Public Works and Highways ng budget allocation na P168.9 billion para sa Flood Management Program.
“This will cover the construction and rehabilitation of flood-mitigation structures and drainage systems nationwide,” ang pahayag ng Budget department.
Ang National Greening Program ng Department of Environment and Natural Resources ay makakakuha ng P2.49 billion para sa pagtatanim ng 6.18 million seedlings sa 11,631 hectares ng land resources, Protected Areas Development and Management Program, at Management of Coastal and Marine Areas.
Nakatuon ang pansin ng Pangulo sa pagtugon sa climate change dahil sa kinikilala nito ang Pilipinas bilang “one of the most vulnerable countries to the impact of extreme climate disasters.” (Daris Jose)
-
3×3 Manila nasa Doha na
Dumating na sa Doha, Qatar ang 3×3 Manila squad para sa prestihiyosong FIBA 3×3 World Tour – Doha Masters na aarangkada sa Nobyembre 20 hanggang 21. Nakaabot sa deadline sina Joshua Munzon, Alvin Pasaol, Troy Rike at Santi Santillan dahil Nobyembre 16 ang huling araw ng itinakdang petsa ng FIBA para makapasok sa bubble. […]
-
LGUs tumulong sa NCSC sa pagkumpleto ng 12-M senior citizens database
UMAPELA ang isang mambabatas sa mga local government unit (LGU) executives na suportahan anggobyerno sa patuloy na pagsusumikap na magkaroon ng maaayos at tamang database sa tinatayang 12.3 milyong seniors sa buong bansa. Ayon kay CamSur Rep. LRay Villafuerte, napapanahon ang ginagawang national listing o cataloguing ng mga senior citizens dala na rin […]
-
Pamumuno sa ASEAN Sports ng PSC ipinasa
NANGAKO ang Pilipinas sa pamamagitan ng Philippine Sports Commission (PSC) sapagsuporta at pakikiisa pa rin kasabay sa paglipat sa chairmanship ng ASEAN Senior Officials Meeting on Sports (SOMS). “Together, we continued with our endeavors, all for the betterment of sports and well-being of ASEAN community,” bulalas ni outgoing SOMS chairperson at Philippine Sports Commission […]