P5-B – P13-B halaga ng nasayang na COVID-19 vaccines nais paimbestigahan sa Senado
- Published on August 5, 2022
- by @peoplesbalita
NAIS ni Senator Risa Hontiveros na imbestigahan ng Senado ang tinatayang P5 billion hanggang P13 billion na halaga ng COVID-19 vaccines na binili ng gobyerno na hindi nagamit matapos mag-expire.
Kaugnay nito, naghain ng isang resolution si Sen. Risa Hontiveros para sa pagsasagawa ng imbestigasyon sa umano’y large-scale wastage ng mga bakuna kontra COVID-19 na iginiit ng mambabatas na hindi dapat kunsintihin.
Sa inihaing resolution, sinabi ng senadora na sa gagawing imbestigasyon ay tutukuyin kung nabigo o nagkulang ba ang gobyerno sa pagpaplano o pagbili ng vaccine doses.
Binigyang diin din ng senadora na ang mga resources na ginamit para sa pagkuha ng mga bakuna ay dapat na naibigay pa sana sa mga sektor na nangangailangan ng assistance mula sa gobyerno gaya ng mga magsasaka, mangingisda, drivers at frontliners.
Saad din ng senadora na dapat na mayroong managot dito kung saan tinukoy niya ang Inter-Agency Task Force for the Management of Emerging Infectious Diseases, Department of Health, at czars sa ilalim ng nagdaang Duterte administration na dapat tanungin sa oras na simulan ang pagdinig sa resolution.
Magugunita na isiniwalat ni Go Negosyo founder at former Presidential Adviser for Entrepreneurship Joey Concepcion na nasa 3.6 million doses ng Moderna vaccines ang nagpaso noong July 27 habang nasa 623,000 Astrazeneca vaccines naman ang nag-expire noong Linggo, July 31.
Sa kabuuan nasa 4.2 million vaccines ang nasayang na nagkakahalaga ng P5.1 billion. (Daris Jose)
-
DEEP INSIDE MY HEART (Chapter 25) Story by Geraldine Monzon
TINAWAGAN ni Janine si Andrea upang kausapin ito subalit narinig niya ang mga paghikbi nito mula sa kabilang linya. “Andrea, umiiyak ka na naman ba?” “S-Sorry Janine…ba’t ka nga pala napatawag?” “Lagi naman ako tumatawag sa’yo ng ganitong oras diba? Sabihin mo nga sa’kin, ano bang iniiyak mo?” “Wala to…si Sir […]
-
Halos 15-K vehicles, nadagdag sa mga lansangan ng NCR nang mag-umpisa ang Disyembre – MMDA
INIULAT ng Metropolitan Manila Development Authority ang pagkakadagdag ng 10,000 hanggang 15,000 na mga sasakyan sa mga lansangan ng Metro Manila, simula nag-umpisa ang buwan ng Disyembre batay sa regular monitoring ng ahensiya. Ayon kay MMDA Traffic Enforcement Group Director Victor Nuñez, ito ang pangunahing dahilan ng mga traffic buildup sa iba’t-ibang mga […]
-
Magkapatid na Mocon bobrotsa para sa RoS
MAGIGING magkakampi pala ang magkapatid na Javee at Kenneth Mocon sa Rain or Shine sa pagsambulat ng 46th Philippine Basketball Association Phiippine Cup 2021 sa darating na Linggo, Abril 18 sa Ynares Center sa Antipolo City. Kapuwa produkto ng San Beda University ang dalawa kung saan naging third round pick ng Elasto Painters […]