P50K multa ni Chot!
- Published on October 8, 2022
- by @peoplesbalita
May katapat na multa ang ginawang pagsugod at pagkompronta ni TNT Tropang Giga coach Chot Reyes sa technical committee at pagmumura matapos ang kanilang 92-94 kabiguan sa Magnolia sa 2022 PBA Commissioner’s Cup noong Miyerkules.
Pinatawan si Reyes ng PBA Commissioner’s Office ng multang P50,000 dahil sa kanyang naging reaksyon sa officiating.
Hindi naitago ng nine-time PBA champion coach ang kanyang galit matapos pituhan ng referee ng foul si Tropang Giga forward Calvin Oftana dahil sa tangkang pagtapik sa bolang hawak ni Hotshots’ guard Paul Lee.
Ang nasabing foul ang nagresulta sa dalawang free throws ni Lee sa huling 4.3 segundo para sa pagtakas ng Magnolia sa TNT.
Matapos kamayan si Hotshots’ mentor Chito Victolero ay kaagad sumugod ang 59-anyos na si Reyes sa technical committee table para iprotesta ang nasabing foul kay Oftana.
Kinailangan siyang awatin ng kanyang mga assistant coaches bago napakalma ni deputy commissioner Eric Castro, subalit paglabas ng kanilang dugout ay ilang beses itong nagmura.
Kinatigan din ng PBA Commissioner’s Office ang itinawag na foul kay Oftana dahil ang tumawag na referee ay nasa tamang anggulo.
Bukod kay Reyes ay pinagmulta rin si TNT team manager Jojo Lastimosa ng P20,000 dahil sa pagsama niya sa pagsugod ng kanilang head coach sa table officials.
Naglaro ang Tropang Giga na wala sina injured Jayson Castro, Mikey Williams, Glenn Khobuntin at Poy Erram ngunit nakapagtayo pa rin ng 13-point lead sa likod ni import Cameron Oliver na kumamada ng 43 points at 16 rebounds.
-
Gilas Pilipinas naging puspusan na ang ensayo 1 linggo bago ang FIBA World Cup Asian Qualifiers
NAGING puspusan na ang ginawang pagsasanay ng Gilas Pilipinas para sa FIBA World Cup Asian Qualifiers na gaganapin sa Pebrereo 24 hanggang 28 sa Araneta Coliseum sa Quezon City. Ayon kay Gilas coach Chot Reyes na idinagdag nila si Francis “Lebron” Lopez na siyang pinakahuling napili ng Samahang Basketball ng Pilipinas na makasama […]
-
IT’S A SHOWDOWN OF CHARACTER POSTERS FOR “SHAZAM! FURY OF THE GODS”
THE gods have arrived. Check out the newly released character posters of the DC superhero adventure, “Shazam! Fury of the Gods” featuring Zachary Levi, Helen Mirren, Lucy Liu and Rachel Zegler. “Shazam! Fury of the Gods” opens in cinemas across the Philippines on March 15. [Watch the film’s trailer at https://youtu.be/JvZSRT2Mqr0] […]
-
PUJ drivers napipilitang huminto ng pasada
MAY MGA public utility jeepney (PUJ) drivers ang napipiitan huminto ng pasada sa kanilang ruta dahil sa sunod-sunod na pagtaas ng presyo ng krudo at hindi dahil sila ay nagproprotesta. Ayon sa 1-United Transport Koalisyon (1-UTAK) na maaaring mahirapan ang ibang pasahero na kumuha ng transportasyon sa mga PUJs dahil nagbabala ang mga […]