P6.352 trilyon 2025 national budget isinumite na sa Kamara
- Published on July 30, 2024
- by @peoplesbalita
ISINUMITE na kahapon (Hulyo 29) ng administrasyon ni Pangulong Ferdinand Marcos Jr. sa Kamara ang P6.352 trilyong panukalang pondo para sa susunod na taon.
Ang 2025 National Expenditure Program ay pormal na isinumite ni Budget Secretary Amenah Pangandaman kay Speaker Ferdinand Martin Romualdez at iba pang mga opisyal ng Kamara.
Sa bisperas ng pagsusumite ng NEP, sinabi ni Romualdez na handa ang Kamara upang tanggapin ito at agad na sisimulan ang deliberasyon nito sa komite.
“We will make sure that enough funds will be allocated for social services and for programs that will sustain our economic growth,” ayon kay Romualdez.
Sinabi ng lider ng Kamara na masusing pag-aaralan ang panukalang budget at gagamitin ang oversight function nito para masiguro na tama ang ginagawang paggastos dito ng mga ahensya ng gobyerno.
Ang bersyon na isusumite umano ng Kamara, ayon kay Romualdez ay nakalinya sa mga prayoridad at Agenda for Prosperity ni Pangulong Marcos kung saan target itong maaprubahan bago mag-recess ang sesyon sa Oktubre. ( Daris Jose)
-
Sa pagpirma ng 9-picture sa Viva Films: ANNE, pangarap na makatrabaho ni Direk PHIL sa isang horror film
PUMIRMA ng 9-picture sa Viva si Phil Giordano, ang director ng Vivamax movie na “Pabuya” na pinagbibidahan ni Diego Loyzaga. Sa isang chikahan over lunch with Direk Phil, nalaman namin na bata pa lang siya ay gusto na niyang maging director. Dahil he’s an only child, inaaliw niya ang kanyang sarili by writing out stories […]
-
Pinoy boxer Carlo Paalam, balik-ensayo na
SINIMULAN na ni Pinoy Olympian boxer Carlo Paalam ang kaniyang training. Sa mga larawan na ibinahagi nito sa social media ay makikitang nagsagawa ito ng cardio exercise sa sinilngang bayan nitong Cagayan de Oro City. May caption pa ito na tapos na ang kaniyang bakasyon at balik na ulit ito sa […]
-
Bong Go, dumalo sa PDP-Laban national assembly kasama si PRRD
NAGBIGAY ng payo si Senator Christopher “Bong” Go laban sa anumang pagkakawatak-watak sa ruling party, Partido Demokratiko Pilipino–Lakas ng Bayan. Muling nanawagan si Go sa mga kapartido na magkaisa at manatil sa likod ni Pangulong Rodrigo Roa Duterte. “Inaasahan ko na darating ang panahon na magkakasundo ang partido at patuloy (ang PDP-Laban) na […]