P843.9 bilyon lugi ng SSS, pinaiimbestigahan
- Published on May 30, 2022
- by @peoplesbalita
PINAIIMBESTIGAHAN ni Senador Francis Tolentino sa Senado ang umano’y malaking pagkalugi ng Social Security System (SSS).
Sa inihaing Senate Resolution 1006, tinukoy ni Tolentino ang 2021 unaudited financial statement ng SSS kung saan nakasaad na nalugi sila noong 2021 ng P843.9 bilyon.
Nakasaad naman sa resolusyon ang mga legal at technical na paliwanag ng SSS kung bakit nagkaroon ito ng ganoong lugi kung saan tinukoy ang umano’y pagbabago sa panuntunan ng accounting ng Philippines Financial reporting standard.
Dito umano kinonsidera ang mga basic payments na babayaran ng SSS sa hinaharap.
Tiniyak naman sa resolusyon na matatag ang SSS at secured ang cash loan nito at matutugunan ang pangangailangan ng mga miyembro.
Para naman kay Tolentino, kahit na sapat ang paliwanag tungkol sa pagkalugi kailangan pa rin itong mabusisi at malaman ang epekto nito sa pinansyal na kakayanan ng SSS para mabayaran ang benepisyo ng mga miyembro.
Kailangan din umanong mapag-aralan ang social security benefitis ng lumalaking miyembro ng SSS at maging batayan kung kailangan na gumawa ng bagong batas at regulasyon at masiguro ang katatagan nito.
-
Sixers pinatawan ng $100-K ng NBA dahil sa hindi tamang pagdeklara sa lagay ng kalusugan ni Embiid
PINATAWAN ng NBA ang Philadelphia 76ers dahil sa mga maling impormasyon ukol sa lagay ng kalusugan ng kanilang star player na si Joel Embiid. Matapos ang inilabas ng koponan na nagkaroon ng pamamaga sa kaniyang kaliwang tuhod si Embiid ay nagsagawa agad ang NBA ng imbestigasyon. Lumabas na wala namang nalabag […]
-
VP Sara, sinabing darating ang panahon na hindi na siya ‘sasali’ pa sa pulitika
INIHAYAG ni Vice President Sara Duterte na darating ang panahon na hindi na siya ‘sasali’ pa sa pulitika. Tugon ito ng Bise Presidente nang matanong kaugnay sa payo sa kaniya ng kaniyang ama na si dating Pangulong Rodrigo Duterte na umalis sa pulitika at mamuhay na lamang ng mapayapang buhay. Napatawa naman ang […]
-
Gobyerno ng Singapore, pinasalamatan ni Speaker Romualdez sa kanilang tulong sa biktima ng bagyong Kristine
PINASALAMATAN ni Speaker Ferdinand Martin Romualdez ang gobyerno ng Singapore sa kanilang tulong sa mga naging biktima ng bagyong Kristine, partikular na ang papel ng Singaporean Air Force sa pagdala ng tulong sa mga tinamaang komunidad. “Nagpapasalamat kami sa pamahalaan ng Singapore, lalo na kay President Tharman Shanmugaratnam at sa kanilang embahadora dito sa […]