Pacquiao mamili na: Garcia o Spence sa Hulyo
- Published on March 9, 2020
- by @peoplesbalita
KUNG nais umanong bumalik sa ibabaw ng ring ang fighting senator ng Pilipinas na si Manny Pacquiao sa buwan ng Hulyo, kailangan na niyang mamili sa susunod na makakalaban.
Sa kasalukuyan, sina Mikey Garcia at Errol Spence Jr., ang natitira sa naunang listahan ni Pacquiao.
Ngunit sino kaya ang mas makatotohanan sa dalawa?
Simple lamang daw ang sagot dito, si Mikey Garcia, ito ay sa dahilang hindi pa maaaring lumaban si Spence Jr., bunsod na nagpapagaling pa ito mula sa solo-car accident noong Oktubre.
Ibig sabihin lamang nito ay si Garcia raw ang natitirang posibleng kalabanin ng nag-iisang eight-division world champion ng boxing.
Kung sakaling matuloy ay nais namang ganapin ito ng promoter ni Garcia na si Eddie Hearn sa Saudi Arabia.
Naging matagumpay ang huling boxing event na ginanap kung saan nagharap sina heavyweights Anthony Joshua at Andy Ruiz sa ikalawang pagkakataon.
Palaisipan pa rin sa marami kung bakit ayaw pa magdesisyon ng kampo ni Pacquiao sapagkat apat na buwan na lamang bago tumuntong ang buwan ng Hulyo.
Una nang kinumpirma na plano niyang sumampa muli sa boxing ring.
“My plan is to get back into the ring this coming July. Training should start in April, May, June. We have enough time,” aniya sa interview sa ANC nitong Marso 3. (REC)
-
Top 8 MWP sa Caloocan, timbog
ISANG lalaki na nakatala bilang top 8 most wanted person ang nasakote ng pulisya sa isinagawang manhunt operation sa Caloocan City, kamakalawa ng gabi. Ayon kay Caloocan police chief P/Col. Ruben Lacuesta, nakatanggap ng impormasyon ang mga operatiba ng Warrant and Subpoena Section (WSS) hinggil sa kinaroroonan ng akusadong si alyas “Rudy” na […]
-
Malakanyang, ipinatupad ang kautusan ng Ombudsman na suspendihin ang mga opisyal ng ARTA
IPINATUPAD ng Malakanyang ang naging kautusan ng Office of the Ombudsman na ilagay sa anim na buwang preventive suspension ang mga opisyal ng Anti-Red Tape Authority (ARTA). Isang memorandum na may petsang Hunyo 7 at nilagdaan ni Executive Secretary Salvador Medialdea ang nagbibigay atas kay ARTA Deputy Director-General for Administration and Finance , […]
-
2 BANGKAY NG LALAKI LUMUTANG SA MALABON
DALAWANG bangkay ng lalaki na pinaniniwalaang nalunod ang natagpuan matapos lumutang sa magkahiwalay na lugar sa Malabon city. Ayon kay Malabon Police chief P/Col. Albert Barot, dakong ala-6 ng umaga nang makita ng ilang nagja-joging ang bangkay ni Ernesto Francisco Jr, 29 ng 27 Bernales II, Brgy. Baritan na nakalutang sa Megadike Riverbank, […]