Pagbabago sa ‘flexible learning scheme’ kailangang maipatupad sa susunod na academic year
- Published on November 21, 2022
- by @peoplesbalita
NAIS ng Coordinating Council of Private Educational Associations of the Philippines (COCOPEA) na dapat maipatupad na sa susunod na academic year ang anumang pagbabago sa patakaran sa flexible o hybrid learning.
Ito ay may kaugnayan sa kautusan ng Commission on Higher Education (CHED) para sa mga higher education institutions (HEIs) na magpatibay ng buong face-to-face classes o mag-alok ng hybrid learning sa ikalawang semestre ng kasalukuyang school year.
Ayon kay Coordinating Council of Private Educational Associations of the Philippines (COCOPEA) spokesperson Noel Estrada masyadong maiksi na ang panahon para ipatupad ang kautusan sa second semester.
Magugunitang, noong Miyerkules, inilabas ni CHED Chairman Prospero de Vera III ang Memorandum Order No. 16, na nagpapahintulot na “ang disposisyon tungo sa paglipat sa ligtas na pagbabalik sa mga physical campuses at pagbabalik ng mga mag-aaral sa paaralan ay batayan bilang resulta ng mga hakbang sa pagbawi mula sa epekto ng COVID-19 .”
Para naman sa grupo, sinabi ni Estrada, ang mga natamo sa paggamit ng digital learning platforms ay hindi dapat isakripisyo sa pagsisikap na matupad ang pinakabagong order ng Commission on Higher Education (CHED).
Ang Memorandum Order No. 16 ay nag-utos din na ang mga kurso sa laboratoryo, on-the-job training (OJT), at mga aktibidad ng National Service Training Program ay dapat ding isagawa pangunahin sa lugar. (Daris Jose)
-
Paglobo ng HIV sa tinedyer, ikinabahala ni Bong Go
NABABAHALA si Senator Christopher “Bong” Go, chairperson ng Senate committee on health, sa ulat na pagtaas ng kaso ng human immunodeficiency virus (HIV) sa Pilipinas, partikular sa mga kabataan. Matapos tulungan ang mga biktima ng sunog sa Davao City, binigyang-diin ni Go na kailangan na ng komprehensibo at multi-disciplinary approach upang matugunan ang […]
-
Top 6 most wanted person ng NPD, nasakote
MATAPOS ang 10-buwan pagtatago, naaresto na ng pulisya ang isang umano’y rapist na tinagurian bilang Top 6 Most Wanted Person sa Northern Police District (NPD) makaraang bumalik sa kanyang bahay sa Quezon City. Pinuri ni National Capital Region Police Office (NCRPO) Regional Director P/MGen. Debold Sinas ang mga operatiba ng Intelligence Operation Section (IOS) […]
-
Papasukin na rin ang mundo ng pulitika: JOAQUIN, pinagtanggol si ISKO sa isyung ‘puppet’ ng isang politician
KUMPIRMADONG papasukin na ang mundo ng pulitika ni Joaquin Domagoso. Kinumpirma na sa amin ng isang malapit sa mga Domagoso ang pagtakbong kunsehal sa unang districto ng Maynila. Si Joaquin ay anak ng aktor at dating mayor na si Francisco “Isko” Moreno. Susundan ni Joaquin ang tinatahak ng amang si Isko Moreno. Matandaang […]