Pagbuo ng Economic Intelligence Task Force na tutugis sa mga nagmamanipula sa presyo ng mga meat products
- Published on February 11, 2021
- by @peoplesbalita
APRUBADO na ni Pangulong Rodrigo Roa Duterte ang pagbuo ng Economic Intelligence Task Force na tututok sa isyu ng labis na pagtaas ng presyo ng mga ibinebentang karne ng baboy sa mga pamilihan.
Ito rin ang tutugis at mag-iimbestiga sa mga hinihinalang nagmamanipula sa suplay at presyo ng mga meat products sa bansa.
Sinabi ni Presidential Spokesperson Harry Roque, misyon ng task force na ito ang habulin at kasuhan ang mga mapagsamantalang hoarders at nagmamanipula sa presyo ng mga meat products.
Ang nasabing task force ay binubuo ng Dept. of Agriculture(da), Dept. of Trade and Industry(DTI), NBI, CID at National Security Council.
Sa kabilang dako, sinabi naman ni DTI Sec. Ramon Lopez, sa briefing sa Malakanyang na may mga sumbong na silang natatanggap sa pamamagitan ng text messages kaugnay sa mga umano’y mapagsamantalang traders at wholesalers ng mga meat products.
Ito aniya ang dahilan kaya’t nagsasagawa na sila ng beripikasyon ukol sa mga ipinarating sa kanilang reklamo at sa ngayon ay mayroon na rin aniyang mga minamanmanan at iniimbestigahan ang task force.
Tiniyak ni Lopez na hindi palalampasin ng task force ang sinumang mapatutunayang sangkot sa kaso ng hoarding at manipulasyon sa presyo ng mga meat products na ibinebenta sa merkado. (Bishop Jesus “Jemba” M. Basco)
-
PROGRAMA PARA SA EMPLOYMENT NG MGA PWDs, INILUNSAD NG QC
NAGLUNSAD ang lokal na pamahalaan ng Quezon City ng programa na tatanggap sa mga persons with disability bilang mga empleyado o manggagawa at ang programang ito ay bahagi ng komitment ng lokal na pamahalaan na tiyakin ang pantay na oportunidad sa mga most vulnerable sector ng pamayanan. Sa ilalim ng “Kasama Ka sa […]
-
RABIYA, nambulabog na naman sa pinost na maiksing buhok at may nag-akalang si ‘Liza Soberano’
NAGING usap-usapan nga noong Lunes sa social media ang pinost ni Miss Universe Philippines 2020 Rabiya Mateo na kung saan nag-selfie na may maiksing buhok na ayon sa netizens ay bumagay naman sa kanya. Ginulat nga ni Rabiya ang kanyang 1.7 million IG followers, marami nga ang biglang naniniwala at napa-wow sa kanyang […]
-
Obvious na may relasyon sa totoong buhay: VINCE at CHESKA, inaming na-starstruck kina DENNIS at BEA
FEELING blessed ang Sparkle artists na sina Vince Maristela at Cheska Fausto dahil kasama sila sa cast ng ‘Love Before Sunrise’ ng GMA at Viu Philippines. Sa naganap na yellow carpet event ng naturang teleserye sa SM Megamall Cinema 2, inamin ng dalawang SPARKADA members na sobra silang na-starstruck sa mga bida na […]