Pagpapatupad ng bagong alert level system sa mga probinsiya, may konsultasyon- Sec. Roque
- Published on October 23, 2021
- by @peoplesbalita
KINUMPIRMA ni Presidential Spokesperson Harry Roque na kinunsulta ng Inter-Agency Task Force (IATF) ang lahat ng rehiyon at probinsya bago pa ikinasa ang bagong alert level system sa ilang piling lugar sa bansa.
Umapela kasi ang League of Provinces in the Philippines sa IATF na ipagpaliban ang implementasyon ng alert level system sa mga lalawigan dahil hindi sila nakonsulta at nabulaga na lamang sila sa biglaang pagpapatupad ng alert level system gayong kailangan pang paghandaan ito ng mga LGU.
“Lilinawin ko lang po ha: Lahat po ng mga rehiyon at mga probinsya na magpapatupad ng alert level system ay kinunsulta po ang mga LGUs,” ayon kay Sec. Roque.
“Hindi po siguro nakonsulta ang buong League of Governors kasi hindi naman po i-implement sa lahat ng probinsya ang alert level system. Pero iyong mga lugar, mga expanded pilot areas nakonsulta po sila dahil ang mga lokal na mga pamahalaan naman po ang magpapatupad nitong alert level system,” dagdag na pahayag ni Sec. Roque.
Kaya pagdating sa apela ng League of Governors ay unang-una ay wala pang tinatalakay na apela kasi nga ang mga lugar na ipatutupad ang alert level system, lahat ay mga lokal na pamahalaan kaya’t doon nagsagawa ng konsultasyon.
Sa ulat, balak ng League of Provinces of the Philippines na hilingin sa Inter-agency Task Force na ipagpaliban muna ang pagpapatupad ng ‘Alert Level System for Covid-19 response’ sa buong Pilipinas.
Ginawa ng grupo ang pahayag kasunod nang naging desisyon ng IATF na gawin sa buong bansa ang alert level system matapos umanong makita na epektibo ang pilot implementation nito sa Metro Manila.
Ayon kay League of Province President at Marinduque Gov. Presbitero Velasco Jr. hihilingin umano ng mga gobernador na bigyan sila ng sapat na panahon upang gumawa ng executive order.
Maliban pa dito kailangan din umanong maayos ang desiminasyon ng impormasyon at maipaliwanag sa mga tao bago ang pagpapatupad nito.
Sinabi ni Velasco na kung pagbibigyan sila ng IATF pwedeng sa November 1 na lamang ipatupad ang bagong alert level system. (Daris Jose)
-
REESE WITHERSPOON PRODUCES INSPIRING TALE “WHERE THE CRAWDADS SING”
BESIDES being an Academy Award®-winning actress, Reese Witherspoon is now also a powerhouse producer heading Hello Sunshine, her billion-dollar production company, whose first feature film is Where the Crawdads Sing, based on Delia Owen’s best-selling mystery novel. [Watch the video in which star Daisy Edgar Jones and producer Reese Witherspoon talk about the […]
-
MMDA nilunsad ang P300 M na command center
NAGKAROON ng inagurasyon noong nakaraang linggo ang pinakabago at epektibong command at communications center ng Metropolitan Manila Development Authority (MMDA) sa bansa na siyang magiging “nerve center” sa mga pangunahing lansangan sa Metro Manila. Nagkakahalaga ng P300 million ang nasabing command center ng MMDA ayon kay MMDA chairman Don Artes. […]
-
Sindikato sa ‘fund parking scheme’ sa DPWH, pinasisilip
PINAIIMBESTIGAHAN ni Senador Alan Peter Cayetano sa Development Budget Coordination Committee (DBCC) ang umano’y sindikatong nasa likod ng illegal realignment ng bilyon-bilyong pondo sa panukalang 2023 budget ng Department of Public Works and Highways (DPWH). Ayon kay Cayetano, bilang dating Speaker ng Kamara ay nakarating sa kanyang impormasyon na mayroong grupo na nagkokontrol […]