• February 21, 2024
  • Ang Diyaryong Pinagkakatiwalaan

PAGSASAAYOS NG BAYBAYIN NG MANILA BAY, PINABORAN NG MGA KONSEHAL NG LUNGSOD NG MAYNILA

PINABORAN ng Konseho ng Lungsod ng Maynila ang pagpapaganda at pagpapaayos sa baybayin ng Baywalk sa kahabaan ng Roxas Boulevard na ipinapatupad ng Department of Environment ang Natural Resources (DENR) at Department of Public Works and Highways (DPWH).

 

Sa resolusyong inihain at inakda sa Konseho nina  District 4 Councilor Don Juan “DJ” Bagatsing at District 6 Councilor Salvador “Philip” Lacuna, sinusuportahan nila ang DENR at DPWH  ang paglalagay ng beachfront white sand (dolomite)  sa baybayin ng Manila Bay bilang bahagi ng  kanilang rehabilitasyon upang mapaayos, malinis at mapaganda ito.

 

Naniniwala rin ang mga may-akda na ang ginagawang pagpapayos ng dalawang sangay ng gobiyerno ay walang bahid na pagdududa na makakatulong at makakabuti ito sa publiko.

 

Ikinatuwiran ng dalawang Konsehal na ang coastline area ng Manila bay, particular ang bahagi ng Baywalk sa Roxas Boulevard ay maituturing na “crown jewels” ng Lungsod ng Maynila at isang tourist attraction sa buong mundo kung saan makikita  ang pagsikat at paglubog ng araw.

 

Sa kanilang datos, noong December 18, 2008, nang  iniutos ng Korte Suprema ang isang Mandamus sa Manila Bay na linisin, magsagawa ng rehabilitasyon at panatilihin ang tubig ng Manila Bay upang paglanguyan o magamit sa iba’t ibang sport activity ang lugar dahilan upang simulang linisin at tanggalin ang mga basura

 

Hindi rin anila, makatuwiran ang ilang pambabatiklos ng ilang sector at sa social media sa isyu ng kung magkano ang ginastos at pangastos sa panahon ng pandemia at nakakasama sa kalusugan,  gayunman, mismong  ang Department of Health (DOH) ang nagsabi na ang paglalagay ng dolomite sa lugar ay hindi nakakasama sa kalusugan dahil ginagamit din ito sa isang tourist destination sa buong mundo. Maging ang ilang ahensiya ng gobiyerno tulad ng DILG, DOT, MMDA, Presidential Spokesman at ilang Kongresita at iniindorso ang naturang proyekto.

 

Mismong ang Alkalde ng Lungsod ng Maynila na si Mayor Francisco “Isko Moreno Domagoso ay sumasang-ayon sa ginagawang  rehabilitasyon at pagpapaganda sa lugar dahil naniniwala itong magiging isang tourist attraction, nagbibiagy ang trabaho sa ilan at pagsisimulan ng pagbubukas ng negosyo sa lugar.

 

“Now Therefore, Be It Resolved, by the 11th City Council of Manila to Express No Objection, Utmost Support and Appreciation for the National Government’s Manila Bay Rehabilitation and Coastal Beach Nourishment Initiative on the Baywalk Shoreline along Roxas Boulevard in the City of Manila, as currently being implemented by the Environment (DENR) and Public Works (DPWH) Departments.” ayon sa kanilang resolusyon.

 

Bukod sa may-akda, sinang-ayunan din ang nasabing resolusyon ng 34 iba pang mag Konsehal ng Lungsod ng Maynila. (GENE ADSUARA)

Other News
  • Hirit ng transport groups, pinagpupulungan na- Roque

    KASALUKUYAN nang pinagpupulungan ng pamahalaan ang panawagan ng transport groups na pagsuspinde sa excise tax, vat sa fuel products kasunod ng 8 sunud-sunod na linggo ng oil price hike?   Sinabi ni Presidential Spokesperson Harry Roque, “as we speak po, pinagpupulungan na itong bagay na ito noh? Kinukunsidera po ang parehong proposals. So, government is […]

  • Enchong, walang takot maghubo’t hubad sa ‘Alter Me’

    KAYA naman pala nasa Top 10 ng Netflix Philippines ang pelikulang Alter Me dahil sa mga sobrang daring ng bida nito na si Enchong Dee.   Sumabak sa maraming maiinit na eksena si Enchong at wala itong takot maghubo’t hubad. Ilang beses na pinakita ang puwet niya sa mga sex scenes at ang almost frontal […]

  • BEATRICE LUIGI GOMEZ, kinoronahan bilang ‘Miss Universe Philippines 2021’; RABIYA, agaw-eksena matapos matapilok

    ANG pinagmamalaking pambato ng Cebu City na si Beatrice Luigi Gomez ang nagwagi at nag-uwi ng korona ng Miss Universe Philippines 2021 noong gabi ng September 30 sa Panglao, Bohol.     Kinabog nga ng first openly queer beauty queen ang 27 candidates na kinabibilangan ng isa sa early favorites na si Maureen Wroblewitz ng […]