Palaban sa ‘Miss Universe 2024’ sa Mexico City: CHELSEA, nakahanap ng ‘big sister’ kay Miss U Peru TATI

NAKAHANAP ng matatawag na “Ate” niya si Miss Universe Philippines Chelsea Manalo sa mga kandidata ng Miss Universe 2024 sa Mexico City.

Ang roommate ni Chelsea na si Miss Universe Peru Tati Calmell ang naging big sister niya habang uma-attend sila sa ilang activities ng pageant.

“#PERUPPINES in the house. My lovely sister @manalochelsea getting to experience this journey together is such a blessing! Love your pure heart. Ates for life!!!!” caption ni Tati sa Instagram.

Comment ni Chelsea sa post ni Tati ay “Best Ate.”

***

MAY mga netizens na kinilig sa pagbati ni Miss Universe PH 2023 Michelle Dee kay Miss Universe Thailand Anntonia Porsild noong birthday nito last November 3.

“Happy Birthday to you. To more blessings in the next trip around the sun. Ok? Ok,” caption ni Michelle sa pinost nitong throwback photo nila ni Anntonia.

Naging close sina Michelle at Anntonia noong lumaban sila sa Miss Universe 2023 sa El Salvador. Pagkatapos aminin ni Michelle na bisexual siya, na-link sila ni Anntonia dahil sa level ng closeness nila.

Nagawa pa ngang bumisita ni Anntonia sa Pilipinas para sa isang photoshoot with Michelle.

Maraming members ng LGBTQIA+ community ang kinikilig sa mga photos na sweet sila sa isa’t isa.

***

SINILANG na ni ‘Barbie’ star Margot Robbie ang baby boy nila ng husband niyang si Tom Ackerley.

Walang info kung kelan nanganak ang 34-year old Australian actress sa first baby nila ni Tom.

Huling nakita in public si Margot ay noong July pa noong manood sila ni Tom ng Wimbledon Tournament.

2016 noong kinasal si Margot kay Tom after nilang mag-meet sa set ng pelikulang ‘Suite Française’ in 2013.

(RUEL J. MENDOZA)