Panggulat ang role niya sa ‘Uninvited’: NADINE, pinaghandaan talaga na maka-eksena sina AGA at VILMA

SA teaser trailer ng ‘Uninvited’, unang ipinakita ang intense na eksena nina Aga Muhlach at Nadine Lustre.

Na kung saan ay pinagmumura ng premyadong aktres ang aktor na gumaganap na ama bilang Guilly.

Nag-viral ang naturang trailer ng kanyang character na si Nicole.

Kaya sey ni Nadine, “Iba ‘yung pakiramdam makaeksena si Kuya Aga. That scene, everytime after ng eksena, may adlib si Kuya Aga. After paglabas ng pintuan, tawa ako nang tawa.

“Hindi naman siya awkward, natuwa ako natawid namin eksena. Pero I would say if you watch the trailer triggering in a way pero nakakatawa lang knowing si Kuya Aga, ang layo ng personality niya.”

Kitang-kita na palaban at may pagka-dark ang role ni Nadine sa 50th Metro Manila Film Festival entry na “Uninvited” na mula sa Mentorque Productions ni Bryan Dy, kasama ang Project 8 Projects at ng Warner Bros. Pictures. Mula ito sa direksyon ni Dan Villegas na isinulat ni Dodo Dayao.

At base sa inilabas na official trailer ng “Uninvited” sa ginanap grand launch sa The Grand Ballroom ng Solaire Resort North, magugulat talaga ang fans ni Nadine.

First time daw niyang mag-portray ng isang dark role at inaasahang makikipagtagisan siya sa pag-arte sa mga iniidolo na sina Vilma Santos at Aga.

“It is a huge change from all the roles I have done before,” pag-amin ng aktres. “Everyone knows me from romcoms and dramas, romance stuff.

“My roles are always mabait na anak, palaban, pero mabait. This time, I was able to explore and try a different side of acting.

“I wanted you to see, ‘ano pa kaya ang kaya kong gawin? Sobrang extreme from my previous characters, something I always wanted to do.

“I love exploring. Hopefully, maging darker pa ang characters ko,” sey pa niya.

Pinag-aralan daw talaga niya ang kanyang role bilang paghahanda sa mga intense scenes nila nina Aga at Vilma.

Kasama rin sa cast ng “Uninvited” sina RK Bagatsing, Mylene Dizon, Lotlot de Leon, Gabby Padilla, Elijah Canlas, Ketchup Eusebio, Gio Alvarez, Cholo Barretto, Nonie Buencamino, Ron Angeles, at Tirso Cruz III. Showing na ito simula sa December 25, sa mga sinehan nationwide.

At ngayon palang ay hinuhulaan na ito ng netizens na lalaban bilang isa sa magta-top sa 50th MMFF.

(ROHN ROMULO)