PAUL RUDD, napiling ‘People’s Sexiest Man Alive’ ng 2021 at ‘di ang nag-leak na si CHRIS EVANS

ISANG Marvel superhero ang napiling People’s Sexiest Man Alive of 2021.

Hindi si Captain America Chris Evans ayon sa kumalat na leak, kundi si Ant-Man na si Paul Rudd.

In-announce sa talk show na The Late Show with Stephen Colbert ang pagpili kay Rudd at pinakita na ang official cover ng People’s annual Sexiest Man Alive issue.

Biniro pa ni Colbert si Rudd sa kanyang show by saying: “Paul tested negative for sexy. Don’t you see, Paul? There’s nothing sexier than humility!”

Nagkuwento si Rudd na ang misis niya for 18 years na si Julie Yaeger, na nakilala while shooting his first film, Clueless, ang kaisa-isang tao na binalitaan niya tungkol sa Sexiest Man Alive title.

“She was stupefied! After some giggling and shock, she said, ‘Oh, they got it right.’ And that was very sweet. She was probably not telling the truth, but what’s she going to say?” tawa pa niya.

Nakilala si Rudd bilang comedian at lumabas siya sa numerous comedies and rom-coms tulad ng The Object Of My Affection, 200 Cigarettes, Wet Hot American Summer, Anchorman, The 40-Year Old Virgin, Knocked Up, Over Her Dead Body, Forgetting Sarah Marshall, Role Models, I Love You Man, Wanderlust, This is 40, This is the End at Admission.

Nabigyan ng chance na maging Marvel superhero si Rudd ng maging title roler siya sa Ant-Man. Lumabas din siya MCU films sa Ant-Man and the Wasp, Captain America: Civil War, Avengers: Endgame at sa upcoming Ant-Man and The Wasp: Quantumania.

Mapapanood si Rudd sa Apple TV+’s The Shrink Next Door.

Past recipients of the Sexiest Man Alive title ay sina Mel Gibson, Mark Harmon, Harry Hamlin, Nick Nolte, John F. Kennedy Jr., Pierce Brosnan, Richard Gere, Harrison Ford, Brad Pitt, Keanu Reeves, George Clooney, Matthew McConaughey, John Legend, Ben Affleck, Denzel Washington, Idris Elba, Sean Connery, Tom Cruise, Jude Law, Patrick Swayze, Hugh Jackman, Johnny Depp, Adam Levine, Matt Damon, David Beckham, Chris Hemsworth, Bradley Cooper, Ryan Reynolds, Channing Tatum, Blake Shelton at Dwayne Johnson.

      ***

KAHIT na na-shelve pansamantala ang dapat na unang teleserye ni Xian Lim sa GMA-7 na Love. Die. Repeat. dahil buntis ang leading lady niya na si Jennylyn Mercado, hindi naman siya matetengga dahil nabigyan siya ng kapalit na teleserye at ang makakatambal niya ay si Glaiza de Castro.

Isang romantic-comedy mini-series ang pagsasamahan nila Xian at Glaiza titled False Positive na magsisimula na ang lock-in taping on November 26. One week before the taping ay mag-hotel quarantine ang buong cast and crew.

Tatagal lang daw ng four weeks ang naturang mini-series at ang airing nito ay sa February 2022. Mag-resume naman next year ang Love. Die. Repeat. pagkatapos na manganak at maka-recover si Jennylyn.

Excited na rin daw bumalik sa trabaho si Glaiza dahil ilang buwan din siyang nagbakasyon sa Europe kasama ang fiance na si David Rainey. Sinamahan nga ni David si Glaiza sa Turin, Italy noong manalo ang pelikula nitong Midnight in a Perfect World sa TOHorror Fantastic Film Fest 2021. Pumunta rin sila sa Barcelona, Spain para sa pre-nuptial shoot nila.

Huling napanood si Glaiza sa top-rating GMA Afternoon Prime series na Nagbabagang Luha.

***

MULING nakatanggap si Kiray Celis ng bongga at mamahalin na regalo mula sa kanyang boyfriend na si Stephan Estopia.

Pinost ni Kiray sa kanyang Instagram ang niregalo sa kanya na Louis Vuitton sandals with matching brown leather straps.

Biro pa ni Stepha na iyon na raw ang Christmas gift niya kay Kiray,

“Loyal na lalaki lang hiniling ko pero binigyan niyo ko ng lalaking may pa iPhone 13 na may pa LV pa! Huhuhu! Christmas gift na daw niya sa akin. HAHAHAHA! I love you, @stephan.estopia!”

Napa-“sana all” ang maraming netizen sa ka-sweet-an ng dalawa. Pero may mga maaasim pa rin na inggit at hindi matanggap na maganda ang pagsasama nina Kiray at Stephan.

Noong nakaraang October 30, pinadalhan si Kiray ni Stephan ng brand new iPhone 13 Pro Max habang naka-hotel quarantine ito. Para raw mas magandang lumabas ang mga bina-vlog ni Kiray. Pina-tatto rin ni Stephan ang mga mata ni Kiray sa kanyang dibdib noong nakaraang September.

Mapapanood si Kiray sa upcoming drama mini-series Stories From The Heart: Love on Air. (RUEL J. MENDOZA)