• March 29, 2024
  • Ang Diyaryong Pinagkakatiwalaan

Paulo at Michelle, marunong pa ring tumanaw ng loob sa network

NAWALA na ang exclusive contracts ang lahat ng mga artista o tinatawag na network contract nang ipasara ng Kongreso ang ABS-CBN dahil hindi nila inaprubahan ang aplikasyon para sa bagong prangkisa.

 

Ganito rin ang Star Magic talents na puwede silang tumanggap na ng ibang offers sa ibang network base rin sa pahayag ng namamahala ng caeer nila na si Ms. Mariolle Alberto at Mr. Johnny Manahan.

 

Marami kaming kilala na may mga show na sa ibang network, pero ang Star Magic pa rin ang nakikipag-negotiate para sa kanila, sa madaling salita, hindi pa rin nawala ang nasabing talent management ng ABS-CBN.

 

Ito rin ang katwiran nina Paulo Angeles at Michelle Vito na kasama sa teleseryeng Ang Sa Iyo Ay Akin na pinagbibidahan nina Iza Calzado, Jodi Sta. Maria, Sam Milby at Maricel Soriano mula sa JRB Creatives.

 

Sa virtual mediacon ng dalawa ay natanong sila kung may mga offer silang natanggap.

 

“Secret,” tumawang sagot muna ni Paulo. “Ha, ha, siyempre meron.”

 

Hindi naman daw agad-agad ang mga offer nang magsara ang ABS-CBN, “matagal din.

 

“Hindi ko tinanggap kasi may show pa ako dito (Kapamilya network), siyempre priority din naman talaga muna,” katwiran ng aktor.

 

Pero kung wala raw siyang show ay posibleng tanggapin niya pero mananatili pa rin siyang Star Magic talent at hindi lilipat sa ibang manager.

 

“May Star Magic pa naman, so hindi (kailangan) lumipat,” saad ni Paulo.

 

At ang paliwanag naman ni Michelle tungkol sa offer sa kanya.

 

“Meron po, pero hindi pa puwede because may show, pero for me kasi hindi lang naman ‘yun ang reason because parang fresh pa ‘yung nangyari sa ABS-CBN and ang tagal ko with ABS, so I respect ‘yung mga bosses, I respect kung ano ‘yung nangyari sa situation, I respect ABS-CBN, so, ayokong madaliin po ‘yung decision ko or kung may opportunity sa iba ayoko muna po na tanggapin muna ‘coz ang dami pang nangyayari and pinag- uusapan pa and all so ayoko po munang makisabay and since nag-school din po ako ngayon so ayoko munang i-rush talaga (ang lahat).

 

“Kailangan munang okay lahat at makapag-move one lahat kasi ang dami pang artist, bosses and worker’s ng ABS-CBN na ang sakit pa sa kanila nu’ng nangyari so, I respect that po.”

 

Wala ring planong magpalit ng manager si Michelle, “may mga meetings kami with our handlers and bosses so for them naman po kasi since ‘yun nga ‘yung nangyari sa ABS may pandemic ngayon naiintindihan nila ‘yung part na kailangan naming magtrabaho kasi marami sa amin ang tumutulong sa fam- ily namin, may kailangan kaming gastusin o sustentuhan hindi po nila talaga kami pinipigilang mag-guest sa iba, magtrabaho sa ibang station.”

 

Nabanggit na kung may mga offer o opportunity ay kailangan lang ipaalam nina Michelle at Paulo ang lahat sa Star Magic para aware raw sa lahat ng mga nangyayari sa kanila.

 

At least marunong tumanaw pa rin sina Paulo at Michelle ng utang na loob sa network na nagpasikat sa kanila dahil hindi sila nagpalit ng manager.

 

‘Yung iba may mga show pa sa Kapamilya network, pero nagpalit na ng manager agad, hindi man lang naisip na kung hindi dahil sa ABS-CBN ay hindi sila makikilala o sisikat.

 

Samantala, sina Paulo at Michelle ang magka-love team sa Ang Sa Iyo Ay Akin na dati nang magkaibigan kaya walang ilangan sa mga eksena nila at wala rin selosan na nangyayari since may kanya-kanya silang karelasyon.

 

Si Enzo Pineda ang boyfriend ni Michelle na nakasama niya sa programang Nang Ngumiti ang Langit noong 2019. (REGGEE BONOAN)

Other News
  • 110 na ang nasawi, 101 sugatan, 33 missing sa hagupit ng bagyong Paeng – NDRRMC

    UMAKYAT na sa 110 ang bilang ng mga indibidwal na nasawi sa pananalasa ng bagyong Paeng.     Ito ay batay sa latest data na inilabas ng National Disaster Risk Reduction Management Council (NDRRMC0 nitong umaga ng Martes.     Pinakamarami sa napaulat na nasawi ay nanggaling sa Bangsamoro Autonomous Region in Muslim Mindanao (BARMM) […]

  • YASMIEN, apaw ang saya na ibinahagi sa vlog ang kanyang dream yellow car; bukod pa sa excitement sa bagong serye

    NAG-UUMAPAW pa rin sa saya si Kapuso actress Yasmien Kurdi sa natanggap na gift galing sa asawa na si Rey Soldevilla na ‘dream car’ niya.     Matapos ngang I-post ni Yas sa kanyang Instagram ang photos ng kanyang brand new car, na-upload na rin niya ito sa kanyang YouTube vlog na may caption, “Yehey! […]

  • Deployment ng nurses sinuspinde ng POEA

    Pansamantalang sinuspinde kahapon ng Philippine Overseas Employment Administration (POEA)  ang deployment ng mga new hire nurses, nursing aides, at nursing assistants sa ibayong dagat.     Ito’y matapos uma­nong maabot na ang 5,000 annual deployment ceiling.     “Pursuant to POEA Governing Board Resolution NO. 17, Series of 2020 on the lifting of the moratorium […]