PBA fans puwede na sa Araneta Coliseum
- Published on December 14, 2021
- by @peoplesbalita
Muling bubuksan ng Philippine Basketball Association (PBA) ang kanilang pintuan para sa mga fans sa susunod na linggo.
Ito ay matapos bigyan ni Quezon City Mayor Joy Belmonte ng ‘go signal’ ang PBA para muling maglaro sa Smart Araneta Coliseum sa unang pagkakataon matapos ang 45th season opening noong Marso 8 ng 2020.
Sinabi ni PBA Commissioner Willie Marcial na maglalatag sila ng health and safety protocols para sa limitadong bilang ng mga fans na gustong manood ng mga laro sa Big Dome.
“So by Wednesday, maglalaro na tayo sa Araneta kasama ang mga fans,” wika ni Marcial. “Kailangan fully vaccinated ang mga fans at magdala ng government ID para papasukin kayo sa venue.”
Mahigpit ring ipapatupad ang physical distancing kung saan may inihanda nang two-seat apart arrangement.
Mula 3,000 hanggang 4,000 katao ang maaaring pumasok sa venue kasama ang 350 personnel ng 12 PBA teams at players, PBA staff at mga miyembro ng TV crew.
Ayon kay Marcial, ang lahat ng laro ng PBA Governors Cup simula sa Miyerkules hanggang sa katapusan ng buwan ay gagawin sa Smart Araneta Coliseum kasama ang Leg 6 at Grand Finals ng 3×3 Lakas Ng Tatlo tournament.
May inihahanda ring dalawang laro sa Christmas Day at isa pang double header sa Disyembre 26.
Kasalukuyang inilalaro ang Governors Cup sa Ynares Sports Arena sa Pasig City.
-
Saunders sasailalim sa operasyon sa mata matapos ang pagkatalo kay Alvarez
Nanganganib na matapos na ang boxing career ni Billy Joe Saunders matapos ang pagkatalo nito kay Canelo Alvarez. Nagtamo kasi ang 31-anyos na si Saunders ng matinding pinsala sa kaniyang kanang mata matapos ika-walong round na pagkatalo nito kay Alvarez. Agad na itinakbo naman sa pagamutan si Saunders matapos ang laban […]
-
Ads June 15, 2021
-
Ipalalabas pa lang ang ‘Rewind’, humihirit na ng next project: MARIAN, hindi magagampanan ang role kung hindi si DINGDONG ang kapareha
IPALALABAS pa lamang sa December 25 bilang isa sa 10 official entries sa Metro Manila Film Festival ang “Rewind” na pinagbibidahan ng mag-asawang Dingdong Dantes at Marian Rivera, humihirit na agad si Marian ng kasunod under Star Cinema. Obviously, nag-enjoy ito na makagawa ng movie sa Star Cinema, plus co-produced din ng AgostoDos […]