PBBM, First Lady Liza bibisitahin ang Germany, Czech Republic sa susunod na linggo
- Published on March 9, 2024
- by @peoplesbalita
NAKATAKDANG lumipad si Pangulong Ferdinand R. Marcos Jr. patungong Germany at Czech Republic sa susunod na linggo.
Inimbitahan kasi si Pangulong Marcos ni German Chancellor Olaf Scholz para sa Working Visit sa Germany, at ni Czech President Petr Pavel para sa State Visit sa Czech Republic.
Ang nasabing back-to-back visits ay mula Marso 11 hanggang 15, 2024.
Makakasama ng Pangulo ang kanyang asawa na si Unang Ginang Maria Louise Araneta-Marcos
Makakapulong naman ng Pangulo si German Chancellor Olaf Scholz sa Berlin. Sa Czech Republic, makakapulong naman ng Punong Ehekutibo ang apat na pinuno ng Czech government na sina President Petr Pavel at PrimeMinister Petr Fiala, at mga pinuno ng Czech Parliament na sina Senate President Miloš Vystrčil at Pangulo ng Chamber of Deputies na si Markéta Pekarová Adamová.
Ang biyahe ng Pangulo sa dalawang Central European nations ay kasunod ng pagbisita sa Maynila ni Czech Prime Minister Petr Fiala noong April 2023 at German Federal Foreign Minister Annalena Baerbock noong January 2024. Layon nito na palakasin ang bilateral relations at pangalagaan ang Lumago ng pagtutulungan ng dalawang bansa.
Sa magiging biyahe pa rin ng Punong Ehekutibo sa Germany at Czech Republic, makakapulong ni Pangulong Marcos ang mga kilalang business leaders para palakasin ang oportunidad sa kalakalan at pamumuhunan.
Magkakaroon din ang Pangulo ng pagkakataon na makapulong ang Filipino communities na nakatira sa Germany at Czech Republic para personal na ibahagi sa mga ito ang mga plano at programa ng administrasyong Marcos para sa OFWs at pagtibayin ang commitment ng gobyerno ng Pilipinas sa pagsuporta sa mga Filipino sa buong mundo.
Matatandaang kapwa nagdiwang ang Pilipinas at Czech Republic ng kanilang ika-50 taong anibersaryo ng bilateral relations noong nakaraang taon at nakatakda namang gunitain ng Pilipinas at Germany ang ika-70 taong anibersaryo ng diplomatic relations ng mga ito ngayong taon. (Daris Jose)
-
‘The First Omen’ Reveals Horror’s Beginnings in Cinemas April 5
Experience the spine-tingling origins of evil with ‘The First Omen.’ Discover the untold story coming to Philippine cinemas on April 5. Prepare to be transported to the chilling depths of terror as “The First Omen” emerges onto the big screen in Philippine cinemas on April 5. This highly anticipated installment of the famed Omen […]
-
Nagkaisa Labor Coalition, humiling sa DOLE na imbestigahan ang naganap na aksidente sa construction site sa QC
PINAIIMBESTIGAHAN ng labor coalition na NAGKAISA sa Department of Labor and Employment ang naganap na insidente habang nasa lugar ng trabaho o worksite kabilang na ang pagkasawi ng isang manggagawa at ikinasugat ng 10 iba pa sa construction site sa Quezon City. Ang panawagan ay ginawa ni Nagkaisa Chair Sonny Matula kasunod na […]
-
LRT Line 1 Cavite Extension higit sa 50 percent ng kumpleto
Ipinahayag ng Department of Transportation (DOTr) na ang first phase ng Light Rail Transit Line 1 (LRT1) Cavite extension ay higit ng 50 percent na kumpleto. “The LRT 1 Cavite Extension is now more than halfway to completion of the partial operability section until Sucat station, as we report an overall progress rate of […]