PBBM, ipinag-utos ang paglikha ng panel na tutugon sa deployment concerns ng mga Filipino seafarer

IPINAG-UTOS ni Pangulong  Ferdinand  Marcos Jr. ang paglikha ng  isang advisory board na kinabibilangan ng mga kinatawan mula sa  government agencies, international shipowners, at stakeholders na tutugon sa  deployment concerns ng mga Filipino seafarer.

Ayon sa Office of the Press Secretary (OPS), nagbigay ng direktiba ang Pangulo sa isang meeting kasama ang international maritime employers at iba’t ibang shipowners sa Brussels.

Kasalukuyang nasa  Belgium ang Pangulo para dumalo sa  ASEAN-European Union Summit ngayong linggo.

Sa nasabing meeting, sinabi ni Pangulong Marcos sa  transport officials ng European Union na ginagawa ng gobyerno ng Pilipinas ang lahat ng makakaya nito para tugunan ang certification issues na may kinalaman sa mga  Filipino seafarer at para sumunod ang mga ito sa Standards of Training, Certification, and Watchkeeping (STCW) Convention.

“Our seafarers are of great importance to the Philippines in many, many ways. Although we recognize that in the last many years, the Philippines has done very well in terms of being the leading seafarers around the world, however, with the changing situation after the pandemic, with the changing situation especially when we talk about supply line problems, all of these areas have to be revisited,” ang winika ni Pangulong Marcos sa mga shipowners at stakeholders.

“That comes with the training, changes in the curriculum, all of these things have to be ascertained,” aniya pa rin.

Ang hakbang ng Pangulo ayon sa Malakanyang ay bahagi ng pagsisikap ng administrasyong Marcos na sumunod sa standards ng European Maritime Safety Agency (EMSA) standards matapos mapuna ng EU ang Pilipinas sa kakulangan sa local seafarer training at edukasyon.

Tinatayang may  50,000 Filipino seafarers sa European vessels ang napaulat na nanganganib na mawalan ng trabaho dahil sa  paulit-ulit na pagkabigo ng Pilipinas na mapagtagunpayan ang  EMSA evaluation sa nakalipas na  16 na taon. (Daris Jose)