PBBM, ipinag-utos sa PSA na bilisan ang paglilimbag sa PhilSys digital ID
- Published on December 7, 2022
- by @peoplesbalita
IPINAG-UTOS ni Pangulong Ferdinand R. Marcos Jr. , araw ng Martes sa Philippine Statistics Authority (PSA) na i-fast-track o madaliin ang printing o paglilimbag sa digital version ng Philippine Identification System (PhilSys) ID.
“Let us print out as much as we can and then isunod natin ‘yung physical ID as soon as we can,” ayon sa Pangulo sa naging pagpupulong nito kina National Economic and Development Authority (NEDA) Secretary Arsenio Balisacan at mga opisyal ng PSA.
Sa nasabing miting, napag-usapan ang printing capacity kung saan ang usapin ay kinabibilangan din ng “late start of the flow of data and the volume of the data which is less than what is supposed to be.”
Iniulat din sa Punong Ehekutibo ang data flow mula PSA sa Bangko Sentral ng Pilipinas (BSP) ay naitama.
Sinabi naman ni PSA Undersecretary Dennis Mapa na patuloy itong makikipagtulungan sa BSP para sa mas mabilis at pagpapalakas sa volume ng Phil ID production at printing.
Nauna nang tinukoy ni Mapa ang pagdagsa ng mga registrants ng mga PhilSys matapos na maantala ang paglimbag o printing ng national ID cards.
Buwan ng Oktubre, sinimulan ng PSA ang implementasyon ng printed digital version ng Phil ID.
“Through the printed Phil ID, registered persons can immediately utilize the benefits of PhilSys, such as faster and seamless transactions in accessing financial and social protection services requiring proof of identity, subject to authentication,” ayon sa PSA. (Daris Jose)
-
Binatilyo, obrero tiklo sa bato at damo sa Valenzuela
DALAWA, kabilang ang 15-anyos na binatilyo ang arestado matapos mabisto ang dala nilang iligal na droga makaraang masita sa pagdadala ng patalim at paglabag sa curfew sa magkahiwalay na lugar sa Valenzuela City. Sa report ni SDEU investigator PSSg Carlito Nerit Jr kay Valenzuela police chief P/Col. Salvador Destura Jr., habang nagpapatrolya ang […]
-
2 days bago matapos ang ‘GCQ with restrictions:’ Higit 7,300 bagong COVID case – DOH
Mula sa 8,027 kasabay ng 123rd Independence Day kahapon, nakapagtala ang Department of Health (DOH) ngayong araw ng Linggo ng bahagyang mababa sa 7,302 na dagdag na kaso ng Coronavirus Disease (COVID). Mayroon namang 7,701 na gumaling habang 137 ang pumanaw. Sa kabuuang bilang ng mga naitalang kaso sa bansa, 4.6% […]
-
Ads May 2, 2022