PBBM, magpapartisipa sa ‘Climate Change Convention’ sa Dubai
- Published on November 30, 2023
- by @peoplesbalita
NAKATAKDANG lumipad si Pangulong Ferdinand R. Marcos Jr. patungong Dubai, araw ng Huwebes, para magpartisipa sa 28th Conference of the Parties to the United Nations Framework Convention on Climate Change (COP28), ilang buwan matapos siyang imbitahin ng United Arab Emirates (UAE) government nito lamang Hunyo ng taong kasalukuyan.
Personal kasi na inimbitahan ni UAE Ambassador to the Philippines Mohamed Obaid Salem Alqataam Al-Zaabi si Pangulong Marcos na dumalo sa COP28 nang mag- courtesy visit ang una kay Pangulong Marcos sa Palasyo ng Malakanyang noong Hunyo 13, 2023.
Sa naging talumpati ng Pangulo sa isinagawang turn-over ceremony ng P541.44-million People’s Survival Fund (PSF) sa anim na local government units sa Palasyo ng Malakanyang, araw ng Miyerkules, sinabi ni Pangulong Marcos na gagamitin niya ang COP28 para manawagan sa global community na manatiling committed sa climate change mitigation programs.
“We will use this platform to rally to global community and call upon nations to honor their commitments, particularly in climate financing,” ayon sa Pangulo.
Binigyang diin na ang Pilipinas ay “once again poised to lead” sa pagpupulong.
Sa kabilang dako, binigyang diin pa rin ng Punong Ehekutibo ang kahalagahan ng COP28 sa Pilipinas sa pagiging “most vulnerable countries” sa epekto ng climate change sa buong mundo. wrld.
“And so, we must do our part here in the Philippines,” ayon sa Punong Ehekutibo.
“But we must also take the lead when it comes to the global move and the global aspiration that those most vulnerable communities around the world will somehow be assisted by the developing countries when it comes to these measures to mitigate and to adapt to climate change,” dagdag na pahayag ng Pangulo.
Winika pa nito na ang “climate change mitigation” ay hindi lamang responsibilidad ng gobyerno kundi nng lahat ng mga mamamayang Filipino. (Daris Jose)
-
Pasinaya sa Casa De Polo at paglulunsad ng Coffee Table Book at Cultural Night sa Valenzuela
BILANG bahagi ng pagwawakas ng selebrasyon ng ika-400 founding anniversary, pinasinayaan ng Pamahalaang Lungsod ng Valenzuela ang Casa de Polo sa pangunguna ni Mayor WES Gatchalian, kasama ang panauhing pandangal na si first lady Louise Araneta-Marcos. Kasunod nito, ang paglulunsad ng coffee table book ng lungsod na nagha-highlight sa kasaysayan at pag-unlad ng Valenzuela sa […]
-
Target na 200-M COVID-19 vaccinations ng Amerika, naabot na
Masayang inanunsyo ni United States President Joe Biden na naabot na ng kanyang administrasyon ang target nito na mabakunahan ang 200 milyong Amerikano laban sa coronavirus disease. Inanunsyo ni Biden na 200 milyong mamamayan na ng Amerika ang nabakunahan ng COVID-19 vaccine sa loob lang ng 100 araw nito bilang pinuno. […]
-
IBP sa IATF: Mga abogado isama rin sa priority groups sa vaccine
Humihirit din ang Integrated Bar of the Philippines (IBP) na isama na rin na mauuna sa pagbabakuna ang mga abogado sa sa bansa. Sa sulat ni Atty Domingo Cayosa kay vaccine czar Carlito Galvez, ipinaliwanag nito kung bakit matatawag din na legal frontliners ang mga abogado. Aniya, ang mga officers of […]