• November 22, 2024
  • Search in People's Balita

  • Ang Diyaryong Pinagkakatiwalaan

 

PBBM, nagdeklara ng State of Calamity sa mga ‘Paeng’-hit regions

INILAGAY ni Pangulong Ferdinand R. Marcos Jr.  ang  Region IV-A (Calabarzon), Bicol Region, Western Visayas, at Bangsamoro Autonomous Region in Muslim Mindanao (BARMM) sa ilalim  ng state of calamity sa loob ng anim na buwan. 
Ito’y bunsod na rin ng matinding pagkawasak ng mga nasabing lugar  dala ng Severe Tropical Storm “Paeng.”
Nauna rito,  nagpalabas ang Pangulo ng Proclamation No. 84,  inaatasan ang lahat ng concerned government departments at agencies na ipagpatuloy ang implementasyon ng “rescue, relief, and rehabilitation measures” sa mga lugar na labis na naapektuhan ni  “Paeng”.
“All departments and other concerned government agencies are also directed to coordinate with the LGUs to provide or augment the basic services and facilities of affected areas,” ang nakasaad sa proklamasyon na tinintahan para sa Pangulo ni  Executive Secretary Lucas Bersamin.
Nakasaad sa nasabing proklamasyon na “the President may include other areas in the declaration of a state of calamity if warranted, taking into consideration the continuing damage assessment in affected areas based on the recommendation of the National Disaster Risk Reduction and Management Council (NDRRMC) and the conditions provided by law.”
Matatandaang,  tanggihan  ng Pangulo ang mungkahi ng National Disaster Risk Reduction and Management Council na isang taong state of calamity para sa buong Pilipinas.
Sa ulat, umabot na sa 121 ang namatay dahil sa nagdaang severe tropical storm,  103 naman ang nasugatan at 36 naman ang nawawala.
Dahil dito, pumalo na sa 3.18 milyon ang apektadong mga residente nito, ayon sa NDRRMC.
Maliban pa diyan, nagdulot din ito ng P1.27 bilyong halaga ng pinsala sa sektor ng agrikultura. Bukod pa riyan, lagpas P896 milyon na rin ang estimated cost of damage sa infrastructure sa ngayon.
Kinalampag naman ang lahat ng kagawaran at ahensiya na makipagtulungan sa mga lokal na pamahalaan para makapagbigay ng karagdagang basic services at facilities saa mga naapektuhan lugar.
“Law enforcement agencies, with support from the Armed Forces of the Philippines, are directed to undertake all necessary measures to ensure peace and order in affected areas,” ang winika ni Pangulong Marcos.
Sinasabing, epektibo ring nagpapatupad ng “automatic price control” sa mga batayang pangangailangang ibinebenta sa mga lugar na nasasakupan ng state of calamity, ayon sa R.A. 7581.
Samantala, hangga’t hindi  binabawi ng Pangulo ang price control sa basic necessities ay magiging epektibo ito sa loob ng 60 na araw. (Daris Jose)
Other News

  • Awardee na si Piolo, matuloy pa kayang host?: Postponed muna ang ‘The 6th EDDYS’, ililipat ng petsa at venue

    IPINAAALAM ng Society of Philippine Entertainment Editors (SPEEd) na ang nakatakdang The 6th EDDYS o Entertainment Editors’ Choice sa darating na Oktubre 22 ay hindi muna matutuloy. Nagdesisyon ang mga opisyal at miyembro ng SPEEd na i-postpone ang pagsasagawa ng ika-anim na edisyon ng The EDDYS na gaganapin sana sa EVM Convention Center sa Quezon […]

    read more

  • Tokyo Olympics organizers walang papayagan audience mula sa ibang bansa

    Nagpasya ang Japan na walang mga audience na mula sa ibang bansa sa hosting nila ng Tokyo Olympics at Paralympics.     Ang nasabing hakbang aniya ay para maiwasan ang pagkalat ng COVID-19.     Nakatakdang makipagpulong ang Japanese government at Japanese organizing committee ng Summer games sa International Olympic Committee para sa nasabing usapin. […]

    read more

  • Administrasyong Marcos, nangako ng ‘safe, secure environment’ para sa media workers

    COMMITTED ang administrasyong Marcos na magbigay ng “safe and secure environment”  sa  Philippine press.     Sinabi ni  Presidential Task Force on Media Security (PTFoMS) executive director Paul Gutierrez na ang desisyon ni Pangulong Ferdinand R. Marcos Jr. ay bilang suporta sa patuloy na operasyon ng task force sa ilalim ng kanyang liderato.     […]

    read more
People's Balita.
All rights reserved. © Copyright 2024.