PBBM: Wala ng extension ng consolidation para sa PUJs

SA ISANG pahayag ni President Ferdinand R. Marcos, Jr. kanyang sinabi na wala ng ibibigay na extension ang pamahalaan sa deadline ngayon Dec. 31 tungkol sa consolidation ng mga public utility jeepney (PUJs) upang maging kooperatiba o korporasyon.

“We held a meeting with transport officials and it was decided that the deadline for the consolidation of public utility vehicles (PUVs) operators will not be extended. Adhering to the current timeline ensures that everyone can reap the benefits of the full operationalization of our modernized public transport system. Hence, the scheduled timeline will not be moved,” wika ni Marcos.

Sa ngayon, may 70 % ng mga operators ang nanindigan na lalahok sa consolidation sa ilalim ng Public Utility Vehicle Modernization Program (PUVMP) ng pamahalaan.

“We cannot let the minority cause further delays, affecting majority of our operators, banks, financial institutions, and the public at large,” dagdag ni Marcos.

Ang mga jeepney operators na mabibigong tumupad sa deadline ngayon darating na Dec. 31 ay mawawalan ng kanilang individual na prangkisa at hindi papayagan na tumakbo sa kanilang ruta.

Sinabi ni Department of Transportation (DOTr) Secretary Jaime Bautista na noon pa man ang pamahalaan ay nanindigan sa kanilang binigay na cut off deadline ngayon Dec. 31 at kung saan matatandaan na pinagbigyan na ang demand ng grupo ng transportasyon na ipagpaliban ang deadline sa consolidation ng maraming beses na.

Inilabas ang stand ng Pangulo noong Martes tungkol sa nasabing deadline dalawang araw bago nagkaron ng banta ang Pagkakaisa ng mga Samahan ng Tsuper at Operaytor Nationawide (PISTON) na muling magwewelga.

Samantala, nagsimula ang welga ng PISTON kahapon hanggan ngayon Biyernes upang muling iprotesta ang pagpapatupad ng deadline sa consolidation ng prangkisa ngayon darating na Dec. 31.

Ayon sa PISTON ay lalahok ang mga iba’t ibang samahan ng transportasyon sa Central Luzon at Southern Tagalog.

Nagbanta ang PISTON na palalawigin pa nila ang kanilang ginagawang welga kung hindi didingin ng Land Transportation Franchising and Regulatory Board (LTFRB) ang kanilang hinaing na magkaron ng amendments sa provisions ng DOTr Order 2017-011 at ang pag-aalis ng deadline sa consolidation.

Sinabi ng PISTON na ang mandatory franchise consolidation ay magiging sanhi ng phaseout ng traditional jeepneys kung saan mawawalan ng pinagkukunan ng kabuhayan ng mga drivers at operators.

Pumayag naman ang LTFRB sa ibang kahilingan ng grupo kasama na ang pangako na hindi tatangalin ang ang traditional jeepneys kahit tapos ang deadline sa consolidation.

Subalit diniin ng LTFRB at DOTr na “non-negotiable” ang Dec. 31 deadline ng consolidation.

Ang huling welga ng grupo ng transportasyon ay ginawa noong nakaraang Nov, 20-22 na ayon sa mga awtoridad ay hindi naman naging matagumpay. LASACMAR