PCO, bibigyan ng bagong bihis, daragdagan ng mga bagong mukha
- Published on February 16, 2023
- by @peoplesbalita
BIBIGYAN ng bagong bihis at daragdagan ng mga bagong mukha ang Presidential Communications Office (PCO).
Ito’y matapos na tintahan ni Pangulong Ferdinand R. Marcos Jr. ang Executive Order (EO) No. 16, inaprubahan ang reorganization ng Presidential Communications Office (PCO) para pagsama-samahin ang communications activities nito at tiyakin na episyente o epektibo ang serbisyong ibinibigay nito sa publiko.
“EO No. 16 supplements EO No. 11 (s 2022) signed by the President last December 29, 2022, which streamlined the administrative structure of the Office of the President (OP) and renamed the Office of the Press Secretary (OPS) to PCO,” ayon sa ulat.
Ang aayusin na PCO ay paumunuan pa rin ng Kalihim na susuportahan naman ng limang (5) Undersecretaries, (14) Assistant Secretaries, at isang (1) Assistant Secretary na direktang magre-report sa PCO Secretary.
Pangungunahan ng limang Undersecretaries ang functional areas sa aayusing PCO gaya ng Traditional Media and External Affairs; Digital Media Services; Content Production; Broadcast Production; at Operations, Administration and Finance.
Inatasan naman ang PCO na makipagtulungan sa Presidential Adviser for Creative Communications sa mga bagay na may kinalaman sa “communications at information dissemination.”
“EO No. 16 also amends or modifies the relevant provisions of EO No. 2 (s 2022), which resulted in some Government Owned and Controlled Corporations (GOCCs) being placed under the OP,” ayon pa rin sa ulat.
Ang GOCCs gaya ng People’s Television Network, Inc., APO Production Unit, Intercontinental Broadcasting Corporation, at National Printing Office ay ire-reattached sa PCO kung saan ang mangangasiwa ay ang isang Assistant Secretary.
Samantala, ang iba pang communications agencies gaya ng Presidential Broadcast Service-Bureau of Broadcast Services; Bureau of Communication Services; News and Information Bureau; Freedom of Information-Program Management Office; Philippine Information Agency; and the Presidential Broadcast Staff-Radio Television Malacañang ay ilalagay sa ilalim ng “direct control at supervision” ng PCO, ayon sa EO.
Ang EO No. 16 ay nilagdaan ng Pangulo, kamakalawa, Pebrero 13, 2023, kagyat na magiging epektibo kapag nailathala na sa Official Gazette. (Daris Jose)
-
EO para sa pork, chicken price ceiling ilalabas ng OP, ‘soon’ – Sen. Go
Kinumpirma ni Sen. Bong Go na nakatakdang ilalabas ng Office of the President (OP) ang isang Executive Order (EO) na magpapatupad ng price ceiling sa karne ng baboy at manok. Una ng inirekomenda ito ng Department of Agriculture (DA) para matugunan ang patuloy na pagtaas sa presyo ng mga food products at mapalakas […]
-
Pagpapaliban ng 2022 Barangay at SK elections, aprubado sa komite
INAPRUBAHAN ng House Committee on Suffrage and Electoral Reforms na pinamumunuan ni Mountain Province Rep. Maximo Dalog, Jr. ang substitute bill na magliliban ng December 2022 Barangay at Sangguniang Kabataan elections sa susunod na taon. Ang substitute bill ay pinagsama-samang mahigit sa 30 panukalang batas. Sinabi ni Dalog na kabilang dito […]
-
Planong gumawa ng sariling YouTube channel para madetalye: DIEGO, naging open sa mga pinagdaanan nang magpa-rehab
DOBLE ang pagdiriwang nina Derrick Monasterio at Elle Villanueva dahil bukod sa kaarawan ng aktres, ibinalita rin sa kanila na extended ang pinagbibidahan nilang GMA Afternoon Prime series na ‘Makiling’. Ipinagdiwang nina Derrick at Elle ang kaarawan ng dalaga sa Batangas. “This time kasama ko si Derrick pati si […]